11 жніўня, Мінск /Кар. БЕЛТА/. Беларуская тэнісістка Вольга Гаварцова (135-ы нумар сусветнага рэйтынгу) прабілася ў асноўную сетку турніру ў амерыканскім Лексінгтане з прызавым фондам $202 тыс., паведамляе карэспандэнт БЕЛТА.
У вырашальным матчы кваліфікацыйнага этапу беларуска ўпэўнена абыграла ў двух сэтах амерыканскую тэнісісттку Франчэску Дзі Ларэнца (128) - 6:1, 6:2. На старце кваліфікацыі Вольга Гаварцова перамагла ў трохсэтавым паядынку яшчэ адну прадстаўніцу ЗША Кэці Валынец (349) - 3:6, 6:1, 6:2.
11-я ракетка планеты беларкуская тэнісістка Арына Сабаленка пачынае выступуленне на гэтых спаборніцтвах з 1/16 фіналу, дзе яе саперніцай стала амерынка Мэдзісан Брэнгл (80).-0-