12 жніўня, Мінск /Кар. БЕЛТА/. Беларуская тэнісістка Вольга Гаварцова (135-ы нумар сусветнага рэйтынгу) стала ўдзельніцай 1/8 фіналу турніру ў амерыканскім Лексінгтане з прызавым фондам $202 тыс., паведамляе карэспандэнт БЕЛТА.
У паядынку 1/16 фіналу беларуска перамагла ў двух сэтах амерыканку Бетані Матэк-Сандс (358) - 7:6 (7:4), 6:1. Сустрэча прадаўжалася 1 гадзіну 35 мінут. У матчы за выхад у чвэрцьфінал Вольга Гаварцова, якая прабілася ў асноўную сетку праз кваліфікацыю, сустрэнецца з туніскай тэнісісткай Унс Джабір (39).
Раней у 1/8 фіналу выйшла яшчэ адна беларуска, 11-я ракетка свету Арына Сабаленка, яна перайграла ў трохсэтавым матчы амерыканку Мэдысан Брэнгл, якая займае 80-е месца ў рэйтынгу WTA - 6:1, 6:7 (5:7), 6:2. Сёння Арына Сабаленка згуляе з яшчэ адной амерыканкай Коры Гаўф (53).
Экс-першая ракетка планеты беларуска Вікторыя Азаранка (58) завяршыла выступленне, прайграўшы ў 1/16 фіналу амерыканскай тэнісістцы Вінус Уільямс (67) - 3:6, 2:6. У 1/8 фіналу Вінус будзе сапернічаць са сваёй малодшай сястрой Серэнай Уільямс (9).
Турнір у Лексінгтане завершыцца 16 жніўня.-0-
