ДЗЯРЖОРГАНЫДЗЯРЖОРГАНЫ
Флаг Аўторак, 15 чэрвеня 2021
Мінск Ясна +22°C
Усе навіны
Усе навіны
Спорт
06 мая 2021, 13:14

Гаварцова і Лапко перамаглі на старце тэнісных турніраў у ЗША

Вольга Гаварцова. Фота з архіва
Вольга Гаварцова. Фота з архіва

6 мая, Мінск /Кар. БЕЛТА/. Дзве беларускія тэнісісткі паспяхова правялі стартавыя паядынкі на турнірах ITF у ЗША, паведамляе карэспандэнт БЕЛТА.

На спаборніцтвах у Чарльстане з прызавым фондам $100 тыс. Вольга Гаварцова (142-і нумар сусветнага рэйтынгу) перамагла сербку Аляксандру Круніч (218) - 6:3, 7:5. Саперніцай беларускі ў паядынку за выхад у чвэрцьфінал будзе інданезійская тэнісістка Алдзіла Сутджыядзі (401). У матчы 1/4 фіналу парнага разраду Вольга Гаварцова і мексіканка Рэната Сарасуа сустрэнуцца з японскім тандэмам Мію Ката / Эры Хадзумі.

У 1/16 фіналу спаборніцтваў у горадзе Нейплс з прызавым фондам $25 тыс. беларуска Вера Лапко (333) перамагла расіянку Аліну Чараеву (446) - 6:3, 6:2. У 1/8 фіналу Вера Лапко сустрэнецца з прадстаўніцай ЗША Аляксандрай Епіфанавай (1098).

Сёння ў паўфінале вялікага турніру катэгорыі WTA-1000 у Мадрыдзе з прызавым фондам 2,5 млн еўра лепшая беларуская тэнісістка, сёмая ракетка свету Арына Сабаленка сустрэнецца з расіянкай Настассяй Паўлючэнкавай, якая займае 41-е месца ў сусветным рэйтынгу.

У 1/8 фіналу турніру ў французскім Сен-Мало (прызавы фонд - $115 тыс.) беларуска Аляксандра Сасновіч (92) згуляе са славенскай тэнісісткай Тамарай Зіданшак (80).-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі