Сцяг Серада, 24 красавіка 2024
Усе навіны
Усе навіны
Спорт
29 студзеня 2024, 09:00

Гарнасько стала абсалютнай чэмпіёнкай турніру па мастацкай гімнастыцы ў Іспаніі 

29 студзеня, Мінск /Кар. БЕЛТА/. У іспанскім Плая-дэ-Ара завяршыўся традыцыйны міжнародны турнір па мастацкай гімнастыцы Winter Queen Cup, паведамляе карэспандэнт БЕЛТА.

Нашу дарослую каманду на спаборніцтвах прадстаўлялі бронзавая медалістка Алімпійскіх гульняў Аліна Гарнасько і прызёр чэмпіянатаў свету Настасся Салас, сярод юніёрак выступала Ніколь Лявута. Як і год таму, абсалютнай пераможцай турніру стала Гарнасько, якая паказала лепшую суму ў мнагабор'і (139,484 балы), а таксама атрымала найвышэйшыя ачкі ва ўсіх фіналах асобных практыкаванняў. Па выніках усіх пяці відаў праграмы ў сеніёрак на другую прыступку п’едэстала, уступаючы толькі сяброўцы па камандзе, паднімалася Салас.

У юніёрскіх спаборніцтвах Ніколь Лявута, як і Гарнасько, атрымала такое ж дамінаванне і перамагла ў праграмах з мячом, абручом, булавамі і стужкай, а таксама ў мнагабор'і. Усяго ў турніры III Winter Queen Cup прымалі ўдзел 570 грацый з Беларусі, Іспаніі, Андоры, Бельгіі, Грэцыі, Францыі, Вялікабрытаніі, Італіі, Літвы, Румыніі і Аб'яднаных Арабскіх Эміратаў.-0- 

Падпісвайцеся на нас у
Twitter
Топ-навіны
Свежыя навіны Беларусі