Аліна Гарнасько. Фота з архіва
18 красавіка, Мінск /Кар. БЕЛТА/. Беларускія грацыі пачалі выступленні на другім этапе Кубка свету 2025 года па мастацкай гімнастыцы, які стартаваў у сталіцы Азербайджана Баку, паведамляе карэспандэнт БЕЛТА.
Удзел у індывідуальных спаборніцтвах прымаюць 65 гімнастак з 38 краін, нашу каманду прадстаўляюць Аліна Гарнасько і Настасся Салас. У першы дзень бакінскага этапу грацыі пачалі збіраць балы ў залік мнагабор'я, а таксама вызначылі фіналістак у практыкаваннях з мячом і абручом. Беларускі справіліся з задачай кваліфікацыі ў топ-8: у абодвух відах праграмы Гарнасько паказала чацвёртыя вынікі, а Салас стала трэцяй з мячом і шостай з абручом.
Пасля паловы турніру ў мнагабор'і Аліна ідзе ў агульнай табліцы 4-й, Настасся размяшчаецца следам, апярэджваючы ў тым ліку алімпійскую чэмпіёнку з Германіі Дар'ю Варфаламееў. Ад бягучага трэцяга радка, які займае ўкраінка Таісія Анафрыйчук, нашых спартсменак аддзяляе менш як палова бала. Узначальвае спіс чэмпіёнка Еўропы Стыляна Нікалава з Балгарыі, другое месца ўтрымлівае прызёр парыжскіх Гульняў італьянка Сафія Рафаэлі.
Заўтра дзяўчаты вызначаць мацнейшых у мнагабор'і і сфарміруюць склады фіналаў у практыкаваннях са стужкай і булавамі. Фіналы ў асобных відах адбудуцца ў Баку ў нядзелю. На першым этапе Кубка свету, які праходзіў у пачатку месяца ў Сафіі, Аліна Гарнасько заваявала сярэбраны медаль у практыкаванні з мячом. Акрамя таго, лідар нацыянальнай каманды двойчы спынілася за крок ад тройкі (мнагабор'е, абруч) і была пятай у кампазіцыі з булавамі.-0-
Удзел у індывідуальных спаборніцтвах прымаюць 65 гімнастак з 38 краін, нашу каманду прадстаўляюць Аліна Гарнасько і Настасся Салас. У першы дзень бакінскага этапу грацыі пачалі збіраць балы ў залік мнагабор'я, а таксама вызначылі фіналістак у практыкаваннях з мячом і абручом. Беларускі справіліся з задачай кваліфікацыі ў топ-8: у абодвух відах праграмы Гарнасько паказала чацвёртыя вынікі, а Салас стала трэцяй з мячом і шостай з абручом.
Пасля паловы турніру ў мнагабор'і Аліна ідзе ў агульнай табліцы 4-й, Настасся размяшчаецца следам, апярэджваючы ў тым ліку алімпійскую чэмпіёнку з Германіі Дар'ю Варфаламееў. Ад бягучага трэцяга радка, які займае ўкраінка Таісія Анафрыйчук, нашых спартсменак аддзяляе менш як палова бала. Узначальвае спіс чэмпіёнка Еўропы Стыляна Нікалава з Балгарыі, другое месца ўтрымлівае прызёр парыжскіх Гульняў італьянка Сафія Рафаэлі.
Заўтра дзяўчаты вызначаць мацнейшых у мнагабор'і і сфарміруюць склады фіналаў у практыкаваннях са стужкай і булавамі. Фіналы ў асобных відах адбудуцца ў Баку ў нядзелю. На першым этапе Кубка свету, які праходзіў у пачатку месяца ў Сафіі, Аліна Гарнасько заваявала сярэбраны медаль у практыкаванні з мячом. Акрамя таго, лідар нацыянальнай каманды двойчы спынілася за крок ад тройкі (мнагабор'е, абруч) і была пятай у кампазіцыі з булавамі.-0-
Падпісвайцеся на нас у
