26 кастрычніка, Мінск /Кар. БЕЛТА/. Беларускія гандбольныя клубы даведаліся сапернікаў па 1/16 фіналу розыгрышу Кубка ЕГФ, паведамляе карэспандэнт БЕЛТА.
Па выніках жараб'ёўкі, якая адбылася 25 кастрычніка ў Вене, гандбалістам мінскага СКА выпала сустрэцца з турэцкім "Бешыкташам". Першая гульня адбудзецца 27 або 28 лістапада ў Стамбуле, гульня ў адказ - 4 або 5 снежня ў Мінску. У папярэднім кваліфікацыйным раўндзе віцэ-чэмпіёны Беларусі аказаліся мацнейшымі за ісландскі клуб "Хабнарф'ёрдзюр" - 37:29 (у гасцях) і 25:26 (дома). Гандбалісты "Бешыкташа" двойчы перайгралі на сваёй арэне ізраільскі "Халон" - 38:32 і 38:28.
У 1/16 фіналу Кубка ЕГФ сярод жаночых каманд гандбалісткі брэсцкага клуба "Вікторыя-Бярэсце" будуць сапернічаць з італьянскім "Брыксенам". Першую сустрэчу брастаўчанкі правядуць 13 або 14 лістапада ў сябе дома, а 20 або 21 лістапада згуляюць на пляцоўцы саперніц.-0-
