Фота гандбольнага клуба "Гомель"
6 лютага, Мінск /Кар. БЕЛТА/. Першы этап чэмпіянату SEHA-лігі падыходзіць да фінішу - яго ўдзельнікам засталося правесці ўсяго два паядынкі, паведамляе карэспандэнт БЕЛТА.
Сёння завершыцца турнір у папярэдняй групе А - яе аўтсайдары гандбалісты "Гомеля" сустрэнуцца на выездзе з "Пермскімі мядзведзямі". Напярэдадні маскоўскі ЦСКА ў Санкт-Пецярбургу перамог ва ўпартай барацьбе гандбалістаў "Зеніта" з рэзультатам 36:33 і заняў другое месца. Становішча каманд перад сённяшнім матчам: "Мяшкоў Брэст" - 13 ачкоў (8 матчаў), ЦСКА (Масква) - 12 (8), "Зеніт" (Санкт-Пецярбург) - 9 (8), "Пермскія мядзведзі" (Перм) - 4 (7), "Гомель" - 0 (7). Заключны паядынак групавога этапу адбудзецца заўтра – у квінтэце В стаўрапольскі "Віктар" прыме на сваёй пляцоўцы "Бусел Кітая". Турнірнае становішча цяпер такое: "Чэхаўскія мядзведзі" (Чэхаў) - 16 ачкоў (8 матчаў), СКА (Мінск) - 11 (8), "Віктар" (Стаўрапаль) - 7 (7), "Машэка" (Магілёў) - 4 (8), "Бусел Кітая" - 0 (7). Бамбардзірскую гонку ўзначальвае зенітавец Дзмітрый Кісялёў, які 74 разы паражаў вароты сапернікаў.
Незалежна ад выніку астатніх сустрэч ужо вядомы пары чвэрцьфіналістаў: "Машэка" - "Мяшкоў Брэст", "Віктар" - ЦСКА, "Зеніт" - СКА, "Пермскія мядзведзі" - "Чэхаўскія мядзведзі". Матчы за выхад у "Фінал чатырох" адбудуцца ў канцы лютага - пачатку сакавіка. Вырашальны этап дывізіёна "Усход" SEHA-лігі пройдзе 31 мая - 2 чэрвеня на пляцоўцы брэсцкага спартыўнага комплексу "Вікторыя".-0-
