Гандбалісты Чылі і Каба-Вердэ выйшлі ў асноўны этап чэмпіянату свету

21 студзеня, Мінск /Кар. БЕЛТА/. Гандбалісты зборных Чылі і Каба-Вердэ сталі апошнімі ўдзельнікамі асноўнага этапу 29-га мужчынскага чэмпіянату свету, які прымаюць Данія, Нарвегія і Харватыя, паведамляе карэспандэнт БЕЛТА.

Такім чынам, цяпер вядомы склады ўсіх квартэтаў другога раўнда: 1 - Данія (4 ачкі), Германія (4), Італія (2), Швейцарыя (1), Чэхія (1), Туніс (0); 2 - Францыя (4), Венгрыя (3), Нідэрланды (2), Аўстрыя (2), Паўночная Македонія (1), Катар (0); 3 - Партугалія (4), Швецыя (3), Іспанія (3), Бразілія (2), Нарвегія (0), Чылі (0); 4 - Егіпет (4), Ісландыя (4), Славенія (2), Харватыя (2), Аргенціна (0), Каба-Вердэ (0).

Матчы асноўнага раўнда завершацца 26 студзеня, пасля чаго па дзве лепшыя каманды з кожнай групы прадоўжаць барацьбу ў плэй-оф. Чвэрцьфінальныя сустрэчы адбудуцца 28 і 29 студзеня, паўфіналы - 30 і 31 студзеня, вырашальны паядынак за чэмпіёнскі тытул і матч за бронзавыя ўзнагароды пройдуць 2 лютага.

У фінале папярэдняга чэмпіянату свету, які праходзіў два гады таму на арэнах Польшчы і Швецыі, датчане перамаглі французаў з лікам 34:29, а ў гульні за бронзу зборная Іспаніі была мацнейшай за шведскіх гандбалістаў - 39:36. Гандбалісты зборнай Беларусі пяць разоў выступалі сярод мацнейшых каманд планеты, іх лепшым вынікам з'яўляецца 9-е месца на чэмпіянаце свету 1995 года ў Ісландыі.-0-