23 лістапада, Мінск /Кар. БЕЛТА/. Гандбалісткі брэсцкага клуба "Бярэсце" прабіліся ў 1/8 фіналу розыгрышу Кубка ЕГФ, паведамляе карэспандэнт БЕЛТА.
У другім выязным паядынку 1/16 фіналу брастаўчанкі перамаглі косаўскі клуб "Істогу" з перавагай чатыры мячы - 32:28. У першым матчы трэцяга па рангу кантынентальнага турніру падапечныя Васіля Козара прайгралі з розніцай тры галы - 30:33 - і па суме дзвюх сустрэч выйшлі ў наступны этап.
Жараб'ёўка пар 1/8 фіналу Кубка ЕГФ адбудзецца 24 лістапада ў Вене.-0-