17 красавіка, Мінск /Кар. БЕЛТА/. Мінскае "Дынама" атрымала другую перамогу ў чэмпіянаце Беларусі, абыграўшы гасцей з гродзенскага "Нёмана" з рэзультатам 2:0, паведамляе карэспандэнт БЕЛТА.
Першы тайм сустрэчы на полі галоўнай арэны краіны атрымаўся невыразным. Абедзве каманды амаль не пагражалі варотам, і лік не быў адкрыты. Адразу пасля перапынку дынамаўцы сталі дзейнічаць больш актыўна і двойчы дабіліся поспеху. На 72-й мінуце гульні першы гол забіў славенскі легіянер мінчан Міха Гарапеўшак, а ў самым канцы, на 4-й кампенсаванай мінуце, кропку паставіў Яўген Шыкаўка.
У першым паядынку 16 красавіка сталічны "Энергетык-БДУ" прайграў у сябе дома гасцям з "Гарадзеі" з рэзультатам 0:1. Пераможны гол на 35-й мінуце сустрэчы забіў Андрэй Сарокін.
Сёння адбудуцца яшчэ два матчы: "Белшына" (Бабруйск) - "Смалявічы", "Шахцёр" (Салігорск) - "Слуцк". Заключныя паядынкі 5-га тура пройдуць 18 красавіка: "Рух" (Брэст) - "Мінск", "Іслач" (Мінскі раён) - "Славія" (Мазыр), "Віцебск" - "Дынама" (Брэст), БАТЭ (Барысаў) - "Тарпеда-БелАЗ" (Жодзіна).
Становішча каманд цяпер такое: "Тарпеда-БелАЗ", "Энергетык-БДУ", "Гарадзея" - па 9 ачкоў, "Слуцк", "Віцебск", "Дынама" (Брэст), "Славія" - па 7, "Дынама" (Мінск), БАТЭ, "Іслач", "Мінск" - па 6, "Нёман", "Шахцёр" - па 5, "Рух" - 4, "Смалявічы" - 2, "Белшына" - 1.
Спіс лепшых бамбардзіраў узначальвае узбекскі форвард "Энергетыка-БДУ" Джасурбек Яхшыбоеў, які забіў тры мячы.-0-
