ДЗЯРЖОРГАНЫДЗЯРЖОРГАНЫ
Флаг Чацвер, 1 снежня 2022
Мінск -11°C
Усе навіны
Усе навіны
Спорт
22 верасня 2022, 11:11

Футбалісты зборнай Беларусі згуляюць з Казахстанам у Лізе нацый

Фота з архіва
Фота з архіва

22 верасня, Мінск /Кар. БЕЛТА/. Футбалісты нацыянальнай зборнай Беларусі правядуць сёння перадапошні паядынак групавога этапу Лігі нацый УЕФА, паведамляе карэспандэнт БЕЛТА.

У матчы 5-га тура 3-й групы (ліга С) беларускія футбалісты згуляюць у Астане з камандай Казахстана. З казахстанскай сталіцы беларусы возьмуць курс на сербскі горад Бачка-Топала і там 25 верасня правядуць апошні паядынак груповага этапу супраць каманды Славакіі. Да гэтага зборная Беларусі набрала толькі 2 ачкі, згуляўшы ўнічыю з футбалістамі Азербайджана (0:0) і Казахстана (1:1). Акрамя таго, беларусы ўступілі славакам (0:1) і азербайджанцам (0:2). Становішча каманд пасля 4 тураў: Казахстан - 10 ачкоў, Славакія - 6, Азербайджан - 4, Беларусь - 2.

Па выніках групавога этапу пераможцы чатырох квартэтаў атрымаюць права згуляць у наступным сезоне рангам вышэй - у лізе В. Каманды, якія фінішуюць апошнімі, правядуць стыкавыя матчы, пасля якіх дзве з іх апусцяцца ў лігу D.

Цяперашні сезон Лігі нацый трэці па ліку. Пераможцам першага ў 2019 годзе стала зборная Партугаліі, у 2021 годзе турнір выйгралі футбалісты Францыі. Зборная Беларусі стартавала з лігі D і, заняўшы першае месца ў 2-й групе, паднялася ў лігу С. У мінулым сезоне беларусы не змаглі атрымаць павышэнне ў класе - яны сталі другімі ў 4-й групе, уступіўшы першую пазіцыю албанцам.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі