Фота Pixabay
12 красавіка, Мінск /Кар. БЕЛТА/. На футбольным чэмпіянаце Беларусі сярод каманд вышэйшай лігі стартуе чацвёрты тур, паведамляе карэспандэнт БЕЛТА.
Сёння ў першым паядынку футбалісты "Віцебска" прымуць на сваім полі гасцей са "Слуцка" (пачатак сустрэчы ў 17.30). Пасля трох тураў абодва сапернікі маюць усяго па адным заліковым бале, пацярпеўшы па два паражэнні і адзін раз згуляўшы ўнічыю.
Заўтра адзін з лідараў новага сезона гродзенскі "Нёман" згуляе ў Магілёве з мясцовым "Дняпром". Акрамя таго, футбалісты "Гомеля" прымуць на сваёй арэне чэмпіёна краіны мінскае "Дынама", "Іслач" згуляе з дзяржынскім "Арсеналам", у Жодзіне "Тарпеда-БелАЗ" будзе сапернічаць з барысаўскім БАТЭ. Заключныя паядынкі гэтага тура пройдуць у нядзелю, 14 красавіка: "Нафтан" (Наваполацк) - "Смаргонь", "Шахцёр" (Салігорск) - "Славія" (Мазыр), "Дынама" (Брэст) - Мінск".
Пасля трох тураў лідзіруюць гродзенскі "Нёман" і мазырская "Славія", якія набралі па 9 ачкоў з 9 магчымых, на два балы менш у брэсцкага "Дынама". Спіс лепшых бамбардзіраў узначальвае Павел Чыкіда ("Славія"), які забіў 4 мячы.-0-
Сёння ў першым паядынку футбалісты "Віцебска" прымуць на сваім полі гасцей са "Слуцка" (пачатак сустрэчы ў 17.30). Пасля трох тураў абодва сапернікі маюць усяго па адным заліковым бале, пацярпеўшы па два паражэнні і адзін раз згуляўшы ўнічыю.
Заўтра адзін з лідараў новага сезона гродзенскі "Нёман" згуляе ў Магілёве з мясцовым "Дняпром". Акрамя таго, футбалісты "Гомеля" прымуць на сваёй арэне чэмпіёна краіны мінскае "Дынама", "Іслач" згуляе з дзяржынскім "Арсеналам", у Жодзіне "Тарпеда-БелАЗ" будзе сапернічаць з барысаўскім БАТЭ. Заключныя паядынкі гэтага тура пройдуць у нядзелю, 14 красавіка: "Нафтан" (Наваполацк) - "Смаргонь", "Шахцёр" (Салігорск) - "Славія" (Мазыр), "Дынама" (Брэст) - Мінск".
Пасля трох тураў лідзіруюць гродзенскі "Нёман" і мазырская "Славія", якія набралі па 9 ачкоў з 9 магчымых, на два балы менш у брэсцкага "Дынама". Спіс лепшых бамбардзіраў узначальвае Павел Чыкіда ("Славія"), які забіў 4 мячы.-0-
