Фота Мінспорту
15 жніўня, Мінск /Кар. БЕЛТА/. Футбалісты гродзенскага "Нёмана" прабіліся ў плэй-оф кваліфікацыі Лігі канферэнцый, паведамляе карэспандэнт БЕЛТА.
Пасля выязнога паражэння ад фарэрскага "Клаксвіка" з розніцай два мячы - намінальна дамашнім паядынку ў венгерскім Сегедзе - віцэ-чэмпіёны Беларусі выйгралі ў серыі пенальці. Гродзенскія футбалісты пачалі гульню на высокіх хуткасцях, імкнучыся як мага хутчэй адкрыць лік. Але час ішоў, а гола ўсё не было - у канцоўках атак беларусам не хапала дакладнасці. Пасля перапынку гульня ішла па тым жа сцэнарыі: "Нёман" цалкам дамінаваў, ствараў галявыя моманты, і на 80-й хвіліне адзін з іх выкарыстаў Гулжыгіт Барубаеў. А яшчэ праз пяць хвілін Юрый Панця забіў другі мяч, зраўнаваўшы лік па суме дзвюх сустрэч. У дадатковы час гродзенцы шмат атакавалі, але вынік 2:0 на іх карысць не змяніўся. У серыі пасляматчавых пенальці поспех быў на баку "Нёмана" - 5:4. На мінулым тыдні падапечныя Ігара Кавалевіча ўступілі сапернікам з лікам 0:2.
Такім чынам, у барацьбе за тое, каб трапіць у асноўны этап Лігі канферэнцый, "Нёман" будзе сапернічаць з іспанскім "Раё Вальекана" з Мадрыда. Сустрэчы адбудуцца 21 і 28 жніўня.
У першым крузе кваліфікацыі трэцяга па рангу кантынентальнага турніру "Нёман" двойчы перамог армянскі "Урарту" з Ерэвана - 2:1 і 4:0, а затым стаў мацнейшым за футбалістаў славацкага "Кошыцэ" - 3:2 і 1:1. Пасля другога раўнда з еўракубкавых турніраў выбылі мінскае "Дынама" і жодзінскае "Тарпеда-БелАЗ", а брэсцкае "Дынама" завяршыла свой еўракубкавы сезон пасля першага этапу кваліфікацыі ЛК.-0-
Пасля выязнога паражэння ад фарэрскага "Клаксвіка" з розніцай два мячы - намінальна дамашнім паядынку ў венгерскім Сегедзе - віцэ-чэмпіёны Беларусі выйгралі ў серыі пенальці. Гродзенскія футбалісты пачалі гульню на высокіх хуткасцях, імкнучыся як мага хутчэй адкрыць лік. Але час ішоў, а гола ўсё не было - у канцоўках атак беларусам не хапала дакладнасці. Пасля перапынку гульня ішла па тым жа сцэнарыі: "Нёман" цалкам дамінаваў, ствараў галявыя моманты, і на 80-й хвіліне адзін з іх выкарыстаў Гулжыгіт Барубаеў. А яшчэ праз пяць хвілін Юрый Панця забіў другі мяч, зраўнаваўшы лік па суме дзвюх сустрэч. У дадатковы час гродзенцы шмат атакавалі, але вынік 2:0 на іх карысць не змяніўся. У серыі пасляматчавых пенальці поспех быў на баку "Нёмана" - 5:4. На мінулым тыдні падапечныя Ігара Кавалевіча ўступілі сапернікам з лікам 0:2.
Такім чынам, у барацьбе за тое, каб трапіць у асноўны этап Лігі канферэнцый, "Нёман" будзе сапернічаць з іспанскім "Раё Вальекана" з Мадрыда. Сустрэчы адбудуцца 21 і 28 жніўня.
У першым крузе кваліфікацыі трэцяга па рангу кантынентальнага турніру "Нёман" двойчы перамог армянскі "Урарту" з Ерэвана - 2:1 і 4:0, а затым стаў мацнейшым за футбалістаў славацкага "Кошыцэ" - 3:2 і 1:1. Пасля другога раўнда з еўракубкавых турніраў выбылі мінскае "Дынама" і жодзінскае "Тарпеда-БелАЗ", а брэсцкае "Дынама" завяршыла свой еўракубкавы сезон пасля першага этапу кваліфікацыі ЛК.-0-
Падпісвайцеся на нас у
