18 кастрычніка, Мінск /Кар. БЕЛТА/. На футбольным чэмпіянаце Беларусі сярод каманд вышэйшай лігі сёння пройдуць стартавыя паядынкі 26-га тура, паведамляе карэспандэнт БЕЛТА.
У першым з іх футбалісты "Мінска" прымуць на полі сталічнага стадыёна "Трактар" мазырскую "Славію". Сустрэча першага круга ў Мазыры завяршылася перамогай "Славіі" з лікам 4:2. На мінулым тыдні мінчане ў гасцях згулялі ўнічыю з дзяржынскім "Арсеналам" (0:0), а мазыране ў сябе дома ўступілі сталічнаму "Энергетыку-БДУ" (0:1).
Таксама сёння лідар першынства "Шахцёр" згуляе ў Салігорску з "Арсеналам". У Жодзіне мясцовае "Тарпеда-БелАЗ" сустрэнецца з "Віцебскам".
Заўтра футбалісты "Слуцка" прымуць гасцей з мінскага "Дынама", "Энергетык-БДУ" ў сябе дома згуляе з бабруйскай "Белшынай", у Брэсце мясцовае "Дынама" будзе сапернічаць з "Гомелем".
Заключныя сустрэчы гэтага тура адбудуцца 20 кастрычніка: "Іслач" (Мінскі раён) - БАТЭ (Барысаў), "Нёман" (Гродна) - "Днепр" (Магілёў).
Становішча каманд цяпер такое: "Шахцёр" (Салігорск) - 49 ачкоў (24 матчы), "Дынама" (Мінск) - 48 (24), "Энергетык-БДУ" (Мінск) - 48 (24), "Іслач" (Мінскі раён) - 46 (25), БАТЭ - 46 (25), "Тарпеда-БелАЗ" (Жодзіна) - 38 (25), "Гомель" - 38 (25), "Мінск" - 36 (25), "Нёман" (Гродна) - 33 (25), "Славія" (Мазыр) - 29 (25), "Белшына" (Бабруйск) - 28 (25), "Слуцк" - 27 (25), "Дынама" (Брэст) - 22 (24), "Віцебск" - 20 (25), "Арсенал" (Дзяржынск) - 18 (25), "Днепр" (Магілёў) - 12 (25).
Лідарам бамбардзірскай гонкі з'яўляецца нападаючы "Энергетыка-БДУ" Бабір Абдзіхолікаў, які забіў 21 мяч.-0-
