29 кастрычніка, Мінск /Кар. БЕЛТА/. Футбалісты "Краснадара", капітанам якога з'яўляецца беларускі абаронца Аляксандр Мартыновіч, прайгралі лонданскаму "Чэлсі" ў дамашнім матчы другога тура Лігі чэмпіёнаў - 0:4, паведамляе карэспандэнт БЕЛТА.
У першай палавіне сустрэчы ў Краснадары футбалісты англійскага клуба валодалі ініцыятывай і на 14-й мінуце зарабілі пенальці. Аднак адкрыць лік гасцям не ўдалося - мяч пасля ўдару Жаржынья трапіў у стойку варот. І ўсё ж да перапынку "Чэлсі" аказаўся наперадзе - на 39-й мінуце гульні дакладны ўдар нанёс Калум Хадсан-Адоі. У другім тайме гаспадары пайшлі наперад вялікімі сіламі, стварылі некалькі галявых момантаў, але не рэалізавалі іх. А на 75-й мінуце гульні ў штрафной плошчы краснадарцаў мяч трапіў у руку Аляксандру Мартыновічу, і Ціма Вернер дакладна рэалізаваў пенальці. Потым Хакім Зіеш і Крысціян Пулішыч давялі справу да разгрому - 4:0 на карысць "Чэлсі".
У другім матчы групы Е іспанская "Севілья" перамагла ў сябе дома французскі "Рэн" - 1:0.
У групе F чэмпіён Расіі "Зеніт" з Санкт-Пецярбурга пацярпеў другое паражэнне запар, уступіўшы ў Дортмундзе нямецкай "Барусіі" з лікам 0:2. Бельгійскі "Бруге" на сваім полі разышоўся мірам з італьянскім "Лацыа" з Рыма - 1:1.
У другім туры спаборніцтваў квартэта G кіеўскае "Дынама" ў Будапешце згуляла ўнічыю з венгерскай камандай "Ферэнцвараш" - 2:2. Італьянскі "Ювентус" уступіў у Турыне іспанскай "Барселоне" з рэзультатам 0:2. У першы гульнявы дзень дынамаўцы прайгралі ва ўкраінскай сталіцы "Ювентусу" з лікам 0:2, а "Барселона" разграміла ў сябе дома "Ферэнцвараш" з рэзультатам 5:1.
У квартэце Н турэцкі "Істанбул" прымаў на сваім полі французскі "Пары Сен-Жэрмен" і ўступіў з лікам 0:2. Галявы дубль у другім тайме аформіў Мойзэ Кен. Англійскі "Манчэстэр Юнайтэд" разграміў у сябе дома нямецкі "Лейпцыг" - 5:0. Хет-трык на свой асабісты рахунак запісаў Маркус Рашфард.
Рэзультаты матчаў другога тура ў астатніх групах:
А - "Лакаматыў" (Масква, Расія) - "Баварыя" (Мюнхен, Германія) - 1:2, "Атлетыка" (Мадрыд, Іспанія) - "Зальцбург" (Аўстрыя) - 3:2.
В - "Шахцёр" (Данецк, Украіна) - "Інтэр" (Мілан, Італія) - 0:0, "Барусія" (Менхенгладбах, Германія) - "Рэал" (Мадрыд, Іспанія) - 2:2.
С - "Марсель" (Францыя) - "Манчэстэр Сіці" (Англія) - 0:3, "Порту" (Партугалія) - "Алімпіякос" (Пірэй, Грэцыя) - 2:0.
D - "Ліверпуль" (Англія) - "Мід'юлан" (Хернінг, Данія) - 2:0, "Аталанта" (Бергама, Італія) - "Аякс" (Амстэрдам, Нідэрланды) - 2:2.
Гульні трэцяга тура пройдуць 3-4 лістапада.
У плэй-оф Лігі чэмпіёнаў выйдуць па дзве лепшыя каманды з васьмі груп, а клубы, якія фінішуюць трэцімі, прадоўжаць выступленне ў другім па рангу кантынентальным турніры - Лізе Еўропы.-0-
