Сцяг Чацвер, 13 чэрвеня 2024
Усе навіны
Усе навіны
Спорт
21 мая 2024, 10:58

Футбалісты "Іслачы" і "Мінска" адкрыюць праграму 10-га тура чэмпіянату Беларусі

Фота з архіва
Фота з архіва
21 мая, Мінск /Кар. БЕЛТА/. Фіналісты футбольнага Кубка Беларусі правядуць сёння сустрэчы 10-га тура нацыянальнага чэмпіянату, паведамляе карэспандэнт БЕЛТА.

У першым сённяшнім паядынку футбалісты "Іслачы" прымуць у Маладзечне ФК "Мінск" (пачатак гульні ў 16.45). На мінулым тыдні дружына з Мінскага раёна на выездзе згуляла ўнічыю з футбалістамі "Смаргоні" (1:1), сталічная каманда прайграла на сваім полі "Віцебску" (1:2). Другі фіналіст кубкавага розыгрышу гродзенскі "Нёман" згуляе ў гасцях у футбалістаў "Слуцка" (пачатак гульні ў 18.45). У 9-м туры гродзенскі клуб выйграў у сябе дома ў дзяржынскага "Арсенала" (1:0) і выйшаў на першае месца, а "Слуцк" на сваім полі пацярпеў буйное паражэнне ад брэсцкіх дынамаўцаў (1:4). Абодва сённяшнія матчы будуць паказаны ў прамым эфіры тэлеканала "Беларусь 5".

Расклад астатніх сустрэч 10-га тура:

24 мая
"Віцебск" - "Нафтан", "Дынама" (Брэст) - "Тарпеда-БелАЗ";

26 мая
"Арсенал" - БАТЭ, "Шахцёр" - "Смаргонь", "Славія" - "Дынама" (Мінск);

27 мая
"Днепр" - "Гомель".

Становішча ў лідзіруючай групе пасля 9 тураў: "Нёман" - 21 ачко, "Тарпеда-БелАЗ" - 20, "Дынама" (Брэст) - 19, "Дынама" (Мінск) - 19, "Славія" - 16. Спіс лепшых бамбардзіраў узначальваюць Ягор Карцоў ("Дынама", Брэст) і Джуніёр Эфаге ("Гомель"), якія забілі па 6 мячоў.-0-
Падпісвайцеся на нас у
Twitter
Топ-навіны
Свежыя навіны Беларусі