18 верасня, Мінск /Кар. БЕЛТА/. Футбалісты "Гомеля" перамаглі "Гарадзею" ў заключным матчы 21-га тура чэмпіянату Беларусі з лікам 2:0, паведамляе карэспандэнт БЕЛТА.
У матчы, які прайшоў на гомельскім стадыёне "Цэнтральны", гаспадары поля двойчы вызначыліся ў сярэдзіне першага тайма. На 26-й хвіліне лік адкрыў Антон Шрамчанка, а праз чатыры хвіліны Андрэй Штыгель забіў мяч у вароты "Гарадзеі". У другім тайме забітых мячоў не было.
Гамяльчане набралі 26 ачкоў чэмпіянату і значна ўмацавалі свае пазіцыі, займаючы дзявятае месца ў турнірнай табліцы. Лідзіруе барысаўскі БАТЭ-51 бал.
Матчы чэмпіянату Беларусі 22-га тура ў вышэйшай лізе пройдуць з 21 па 24 верасня.-0-