Фота з архіва
12 верасня, Мінск /Кар. БЕЛТА/. Пасля невялікай міжнароднай паўзы сёння адновяцца матчы футбольнага чэмпіянату Беларусі сярод каманд вышэйшай лігі, паведамляе карэспандэнт БЕЛТА.
У стартавым паядынку 21-га тура дзяржынскі "Арсенал" згуляе ў Барысаве з мазырскай "Славіяй" (пачатак у 20.15; прамая трансляцыя на тэлеканале "Беларусь 5"). У першым крузе цяперашняга першынства сапернікі сустракаліся ў Мазыры і не выявілі пераможцу - нічыя 1:1. У папярэднім матчы "Славія" перамагла на сваім полі футбалістаў "Слуцка" (2:0), а "Арсенал" разышоўся мірам з жодзінскім "Тарпеда-БелАЗам" (1:1).
Заўтра адбудуцца яшчэ тры сустрэчы. Лідар турніру "МЛ Віцебск", які не пацярпеў у 20 сустрэчах ні аднаго паражэння, прыме жодзінскіх тарпедаўцаў. Футбалісты "Смаргоні" ў сябе дома згуляюць з наваполацкім "Нафтанам", а "Слуцк" на сваім полі будзе сапернічаць з барысаўскім БАТЭ.
Астатнія матчы гэтага тура пройдуць у нядзелю, 14 верасня: "Дынама" (Брэст) - "Нёман" (Гродна), "Маладзечна" - "Іслач" (Мінскі раён), "Мінск" - "Дынама" (Мінск), "Гомель" - "Віцебск".
Становішча ў лідзіруючай групе цяпер такое: "МЛ Віцебск" - 52 ачкі (20 матчаў), "Славія" - 41 (20), "Дынама" (Мінск) - 36 (18), "Іслач" (Мінскі раён) - 35 (20), "Тарпеда-БелАЗ" - 34 (19). Унізе турнірнай табліцы знаходзіцца "Маладзечна", у якога 10 ачкоў, "Смаргонь" і "Слуцк" набралі па 13 заліковых балаў. Спіс лепшых бамбардзіраў узначальвае форвард "Іслачы" Аляксандр Шасцюк, у актыве якога 15 забітых мячоў.-0-
У стартавым паядынку 21-га тура дзяржынскі "Арсенал" згуляе ў Барысаве з мазырскай "Славіяй" (пачатак у 20.15; прамая трансляцыя на тэлеканале "Беларусь 5"). У першым крузе цяперашняга першынства сапернікі сустракаліся ў Мазыры і не выявілі пераможцу - нічыя 1:1. У папярэднім матчы "Славія" перамагла на сваім полі футбалістаў "Слуцка" (2:0), а "Арсенал" разышоўся мірам з жодзінскім "Тарпеда-БелАЗам" (1:1).
Заўтра адбудуцца яшчэ тры сустрэчы. Лідар турніру "МЛ Віцебск", які не пацярпеў у 20 сустрэчах ні аднаго паражэння, прыме жодзінскіх тарпедаўцаў. Футбалісты "Смаргоні" ў сябе дома згуляюць з наваполацкім "Нафтанам", а "Слуцк" на сваім полі будзе сапернічаць з барысаўскім БАТЭ.
Астатнія матчы гэтага тура пройдуць у нядзелю, 14 верасня: "Дынама" (Брэст) - "Нёман" (Гродна), "Маладзечна" - "Іслач" (Мінскі раён), "Мінск" - "Дынама" (Мінск), "Гомель" - "Віцебск".
Становішча ў лідзіруючай групе цяпер такое: "МЛ Віцебск" - 52 ачкі (20 матчаў), "Славія" - 41 (20), "Дынама" (Мінск) - 36 (18), "Іслач" (Мінскі раён) - 35 (20), "Тарпеда-БелАЗ" - 34 (19). Унізе турнірнай табліцы знаходзіцца "Маладзечна", у якога 10 ачкоў, "Смаргонь" і "Слуцк" набралі па 13 заліковых балаў. Спіс лепшых бамбардзіраў узначальвае форвард "Іслачы" Аляксандр Шасцюк, у актыве якога 15 забітых мячоў.-0-
Падпісвайцеся на нас у
