19 лютага, Мінск /Кар. БЕЛТА/. Беларускія футбольныя клубы правялі чарговыя кантрольныя матчы на перадсезонным зборы ў Турцыі, паведамляе карэспандэнт БЕЛТА.
Чэмпіёны Беларусі футбалісты брэсцкага "Дынама" з мінімальнай перавагай перамаглі казахстанскі "Каспій" з Актау - 1:0. Адзіны гол у гэтай сустрэчы на 74-й мінуце забіў Максім Вітус. Заключны матч брастаўчане правядуць 21 лютага супраць яшчэ аднаго казахстанскага клуба "Табола" з Кастаная.
Бронзавы прызёр беларускага першынства салігорскі "Шахцёр" разышоўся мірам з грузінскім клубам "Дзіла" - 0:0. Наступным сапернікам "гарнякоў" будзе туркменскі "Шагадам".
Футбалісты "Іслачы" ўступілі казахстанскаму "Іртышу" з Паўладара з лікам 1:3. У прайграўшых гол забіў Мамо Янсанэ. На 22 лютага ў каманды Віталя Жукоўскага намечаны спарынг з чэмпіёнам Расіі "Зенітам" з Санкт-Пецярбурга.
"Мінск" згуляў унічыю з прадстаўніком расійскай прэм'ер-лігі маскоўскім "Дынама" - 1:1. У складзе мінчан гол на рахунку Антона Шрамчанкі, які адкрыў лік на 26-й мінуце гульні. У нядзелю, 23 лютага, футбалісты "Мінска" завершаць збор двума спарынгамі з украінскімі камандамі "Мінай" (Ужгарадская вобласць) і "Верас" (Роўна).-0-