Футбалісты Беларусі ўступілі чэхам у кваліфікацыі юнацкага чэмпіянату Еўропы

9 кастрычніка, Мінск /Кар. БЕЛТА/. Футбалісты юнацкай зборнай Беларусі (U-17) няўдала стартавалі ў адборачным турніры першынства Еўропы ў нямецкім Кельстэрбаху, паведамляе карэспандэнт БЕЛТА.

Сёння ў матчы першага тура кваліфікацыйнай групы 7 беларусы пацярпелі паражэнне ад равеснікаў з Чэхіі з лікам 0:3. На 8-й хвіліне сустрэчы Адам Новак забіў першы мяч, а пасля перапынку сапернікі яшчэ двойчы трапілі ў вароты нашай дружыны.

У другім паядынку 12 кастрычніка падапечныя Валерыя Апанаса сустрэнуцца з футбалістамі Германіі, а 15 кастрычніка завершаць турнір гульнёй з камандай Андоры. У іншым сённяшнім матчы нямецкая зборная разграміла андорцаў з рэзультатам 4:0.-0-