Мабільная версія
ДЗЯРЖОРГАНЫ
Апошнія навіны
Усе навіны

Футбалісты БАТЭ выйшлі ў плэй-оф Лігі чэмпіёнаў і згуляюць з галандскім ПСВ

Спорт 15.08.2018 | 10:40
З мячом аўтар гола ў вароты "Карабаха" Мірка Іваніч. Фота ФК БАТЭ
З мячом аўтар гола ў вароты "Карабаха" Мірка Іваніч. Фота ФК БАТЭ

15 жніўня, Мінск /Кар. БЕЛТА/. Футбалісты барысаўскага БАТЭ выйшлі ў плэй-оф Лігі чэмпіёнаў, перамогшы па суме дзвюх сустрэч 3-га кваліфікацыйнага раўнда азербайджанскі "Карабах". У барацьбе за выхад у групавы этап галоўнага кантынентальнага турніру барысаўчане сустрэнуцца з галандскім ПСВ з Эйндховена, паведамляе карэспандэнт БЕЛТА.

Пасля вікторыі ў Баку барысаўчане ў сябе дома строга згулялі ў абароне і не далі сапернікам магчымасці забіць "хуткі" гол. Больш таго, у канцы 20-й хвіліны гульні сербскі паўабаронца БАТЭ Мірка Іваніч перахапіў мяч у цэнтры поля і адкрыў лік. Прапусціўшы мяч, госці шмат атакавалі, спрабуючы адыграцца, і зрабілі гэта праз 9 хвілін пасля пачатку другога тайма. У далейшым гульня праходзіла на сустрэчных курсах, але вынік 1:1 не змяніўся.

Такім чынам, футбалісты БАТЭ ўжо забяспечылі сабе месца ў групавой стадыі другога па рангу кантынентальнага клубнага турніру - Лізе Еўропы. Аднак чэмпіёны Беларусі паспрабуюць прабіцца ў групавы этап Лігі чэмпіёнаў. Для гэтага падапечным Аляксея Багі трэба пераўзысці чэмпіёнаў Нідэрландаў ПСВ з Эйндховена. Першая сустрэча адбудзецца 21 або 22 жніўня ў Барысаве, у адказ - 28 або 29 жніўня ў Эйндховене.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Першы этап перапісу насельніцтва Беларусі З 5 па 30 лістапада 2018 года для падрыхтоўкі да правядзення перапісу насельніцтва 2019 года праходзіць праверка адраснай гаспадаркі краіны.