ДЗЯРЖОРГАНЫДЗЯРЖОРГАНЫ
Субота, 6 чэрвеня 2020
Мінск Пераменная воблачнасць +22°C
Усе навіны
Усе навіны
Спорт
07 лютага 2020, 15:28

Футбалісты БАТЭ ўступілі чэшскаму "Пршыбраму" на зборы ў Турцыі

Фота ФК БАТЭ
Фота ФК БАТЭ

7 лютага, Мінск /Кар. БЕЛТА/. Футбалісты барысаўскага БАТЭ прайгралі першы з двух сённяшніх спарынгаў на перадсезонным зборы ў Турцыі, паведамляе карэспандэнт БЕЛТА.

У Белеку віцэ-чэмпіёны Беларусі сустракаліся з чэшскім клубам "Пршыбрам" і ўступілі з лікам 0:1. Адзіны гол чэхі забілі на 34-й хвіліне гульні. Сёння вечарам падапечныя Кірыла Альшэўскага сустрэнуцца з прадстаўніком расійскай прэм'ер-лігі "Сочы". Да гэтага барысаўчане завяршылі сустрэчу ўнічыю з яшчэ адным чэшскім клубам "Фастаў" са Зліна - 0:0. У заключным кантрольным паядынку першага турэцкага збору БАТЭ згуляе з кіеўскім "Дынама".

Там жа да сезона рыхтуюцца футбалісты "Гарадзеі". У сваім першым спарынгу яны разышліся мірам з расійскім "Тамбовам" - 0:0. У суботу, 8 лютага, "Гарадзея" сустрэнецца з казахстанскім "Кайсарам" з Кызылорды, на 12 лютага намечаны матч з украінскай "Дзясной" з Чарнігава, 15 лютага - сустрэча з армянскім "Пюнікам" з Ерэвана.

Навабранец вышэйшай лігі чэмпіянату Беларусі брэсцкі "Рух" сёння згуляе з косаўскім клубам "Феранікелі". На турэцкім зборы каманда Аляксандра Сяднёва згуляе таксама з грузінскім "Тэлаві" (9 лютага) і латвійскім "Вентспілсам" (13 лютага).

Футбалісты "Мінска" сёння прымалі на сваім стадыёне "Іслач" і ўступілі з лікам 0:1. Да гэтага мінчане абыгралі гасцей з "Гарадзеі" (3:1) і ўступілі з такім жа вынікам "Гомелю".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі