14 сакавіка, Мінск /Кар. БЕЛТА/. У розыгрышы футбольнага Кубка Беларусі сталі вядомы ўсе ўдзельнікі паўфінальнай стадыі, паведамляе карэспандэнт БЕЛТА.
У заключным чвэрцьфінале дзеючыя ўладальнікі Кубка футбалісты барысаўскага БАТЭ адолелі ў Жодзіне мясцовае "Тарпеда-БелАЗ" - 1:0. Пераможны мяч на 55-й мінуце гульні забіў Неманья Міліч. Першая сустрэча гэтых каманд, якая праходзіла ў Барысаве, завяршылася ўнічыю - 1:1. У тарпедаўцаў вызначыўся Яўген Бярозкін, гол у адказ забіў Вілюм Вілюмсан.
Раней у паўфінал выйшлі гродзенскі "Нёман", "Гомель" і "Віцебск".
Жараб'ёўка паўфінальных пар адбудзецца сёння ў мінскім Доме футбола.-0-
