Мабільная версія
ДЗЯРЖОРГАНЫ

Апошнія навіны
Усе навіны

Футбалісты БАТЭ атрымалі гасцявую перамогу над "Карабахам" у 3-м кваліфікацыйным раўндзе Лігі чэмпіёнаў

Спорт 08.08.2018 | 10:51

8 жніўня, Мінск /Кар. БЕЛТА/. Футбалісты БАТЭ атрымалі перамогу над "Карабахам" з лікам 1:0 у выязным матчы 3-га кваліфікацыйнага раўнда Лігі чэмпіёнаў, паведамляе карэспандэнт БЕЛТА.

У Баку на стадыёне імя Тофіка Бахрамава беларуская каманда тактычна разумна правяла сустрэчу з роўным па сілах сапернікам. У першым тайме клуб з Азербайджана часцей кантраляваў мяч, аднак падапечныя Аляксея Багі ўдачна контратакавалі. На 29-й мінуце выдатны шанц забіць мяч упусціў форвард БАТЭ Мікалай Сігневіч, які з вострага вугла, знаходзячыся ў межах штрафной плошчы "Карабаха", прабіў крыху вышэй за перакладзіну. Аднак яшчэ да перапынку БАТЭ адкрыў лік. На 36-й мінуце Ігар Стасевіч аддаў дакладную перадачу на ход Мікалаю Сігневічу, які прайшоў па правым фланзе і зрабіў навес у штрафную плошчу. Перадачу партнёра дакладным ударам галавой замкнуў Станіслаў Драгун - 1:0.

Пасля адпачынку футбалісты БАТЭ некалькі разоў небяспечна пагражалі варотам "Карабаха", але вызначыцца другім голам не змаглі. Гаспадары поля спрабавалі перахапіць ініцыятыву, аднак упэўнена дзейнічаў галкіпер беларусаў Дзяніс Шчарбіцкі.

Матч у адказ кваліфікацыйнага раўнда Лігі чэмпіёнаў БАТЭ - "Карабах" адбудзецца ў "Барысаў-Арэне" 14 жніўня. Пераможца гэтага процістаяння ў плэй-оф кваліфікацыі Лігі чэмпіёнаў за выхад у групавую стадыю турніру згуляе з галандскім ПСВ з Эйндхавена.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ID-картка беларуса ID-картка - дакумент, які засведчвае асобу, для карыстання ўнутры краіны. Лічбавы аналаг пашпарта плануецца пачаць выдаваць у 2019 годзе.