ДЗЯРЖОРГАНЫДЗЯРЖОРГАНЫ
Пятніца, 17 студзеня 2020
Мінск Суцэльная воблачнасць 0°C
Усе навіны
Усе навіны
Спорт
16 ліпеня 2019, 15:43

Футбалісты БАТЭ адправіліся ў Польшчу на матч у адказ кваліфікацыі Лігі чэмпіёнаў

Фота ФК БАТЭ
Фота ФК БАТЭ

16 ліпеня Мінск /Кар. БЕЛТА/. Футбалісты барысаўскага БАТЭ адправіліся ў польскі горад Глівіцы на матч у адказ з "Пястам" кваліфікацыі Лігі чэмпіёнаў, паведамляе карэспандэнт БЕЛТА.

Галоўны трэнер чэмпіёнаў Беларусі Аляксей Бага ўключыў у выязны спіс 20 футбалістаў:

варатары - Дзяніс Шчарбіцкі, Антон Чычкан, Аляксандр Свірскі;

абаронцы - Аляксей Рыяс, Захар Волкаў, Дзмітрый Бяссмертны, Эміль Ёхансен, Аляксандр Філіповіч, Джамалдзін Хаджаніязаў;

паўабаронцы - Дзмітрый Бага, Ігар Стасевіч, Яўген Бярозкін, Вілюм Тор Вілюмсан, Эрвейн Мукам, Яўген Яблонскі, Слабадан Сімавіч;

нападаючыя - Максім Скавыш, Ясэ Туамінен, Неманья Міліч, Уладзіслаў Мухамедаў.

У заўтрашнім паядынку барысаўскай камандзе не змогуць дапамагчы некалькі ігракоў асноўнага складу - траўміраваныя форварды Антон Сарока, Боян Дубаіч, абаронца Ягор Філіпенка, а таксама дыскваліфікаваны паўабаронца Станіслаў Драгун.

Гульня ў адказ 1-га кваліфікацыйнага раўнда на полі гарадскога стадыёна ў горадзе Глівіцы пачнецца ў 21.00 па беларускім часе. Першая сустрэча, праведзеная 10 ліпеня на полі "Барысаў-Арэны", завяршылася ўнічыю - 1:1. Пераможца беларуска-польскай двухматчавай дуэлі ў другім крузе сустрэнецца з лепшай камандай пары "Лінфілд" (Паўночная Ірландыя) - "Русенборг" (Нарвегія). У першай гульні нарвежцы перамаглі паўночнаірландцаў на іх полі з лікам 2:0.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі