11 красавіка, Мінск /Кар. БЕЛТА/. На футбольным чэмпіянаце Беларусі сярод каманд вышэйшай лігі сёння завяршаецца праграма 3-га тура, паведамляе карэспандэнт БЕЛТА.
Дэбютант элітнага дывізіёна дзяржынскі "Арсенал" прымаў на штучным полі РЦАР-БДУ гасцей з "Віцебска" і завяршыў паядынак унічыю - 0:0.
У заключным матчы футбалісты "Белшыны" згуляюць у Бабруйску з "Гомелем".
Турнірную табліцу ўзначальвае БАТЭ, у якога 9 ачкоў з 9 магчымых, па 7 балаў маюць сталічныя "Дынама", "Энергетык-БДУ" і гродзенскі "Нёман", на два ачкі ад іх адстаюць "Шахцёр" і "Слуцк".-0-