Сцяг Чацвер, 23 мая 2024
Усе навіны
Усе навіны
Спорт
05 красавіка 2024, 09:34

Футбалісткі зборнай Беларусі згуляюць з кіпрыёткамі на старце кваліфікацыі ЧЕ

Фота з архіва
Фота з архіва
5 красавіка, Мінск /Кар. БЕЛТА/. Футбалісткі нацыянальнай зборнай Беларусі правядуць 5 красавіка стартавы паядынак адборачнага турніру жаночага чэмпіянату Еўропы 2025 года, паведамляе карэспандэнт БЕЛТА.

У першым туры кваліфікацыйнай групы С1 падапечныя Юрыя Малеева ў кіпрскай Ахне сустрэнуцца з камандай Кіпра. Гэты матч рассудзіць англійская брыгада арбітраў на чале са Стэйсі Пірсан. У другі гульнявы дзень, 9 красавіка, там жа ў намінальна дамашнім паядынку беларускі згуляюць са зборнай Грузіі, якая сёння прыме ў Тбілісі каманду Літвы.

Групавы этап адборачнага турніру завершыцца 16 ліпеня. Прамыя пуцёўкі ў фінальную стадыю жаночага чэмпіянату Еўропы атрымаюць па дзве лепшыя каманды з чатырох квартэтаў лігі А. Астатнія сем пропускаў будуць разыграны ў стыкавых паядынках паміж астатнімі камандамі лігі А, а таксама лепшымі зборнымі з ліг В і С. Стыкавыя баталіі адбудуцца з 23 кастрычніка па 3 снежня 2024 года. Фінальны этап 14-га жаночага чэмпіянату кантынента пройдзе 2-27 ліпеня 2025 года на футбольных арэнах Швейцарыі, каманда якой вызвалена ад кваліфікацыі.-0-
Падпісвайцеся на нас у
Twitter
Топ-навіны
Свежыя навіны Беларусі