26 красавіка, Мінск /Кар. БЕЛТА/. Футбалісткі "Мінска" і сталічнага "Дынама-БДУФК" прадаўжаюць перамагаць у матчах жаночага чэмпіянату Беларусі, паведамляе карэспандэнт БЕЛТА.
У пятым туры дзеючы чэмпіён краіны "Дынама-БДУФК" разграміў сталічную "Зорку-БДУ" з лікам 7:0. Хет-трык у гэтай сустрэчы аформіла Настасся Ліннік. Уладальніцы сярэбраных медалёў спартсменкі "Мінска" не на сваім полі не пакінулі ніводнага шанцу дэбютанту першынства брэсцкаму "Дынама" - 18:0. Лепшы бамбардзір цяперашняга турніру Настасся Пабягайла чатыры разы паразіла вароты саперніц і цяпер на яе асабістым рахунку 14 забітых мячоў.
Уладальніцы бронзы футбалісткі гродзенскага "Нёмана" ўпэўнена перайгралі ў сябе дома юніёрскую зборную Беларусі (U-19) - 5:1, а "Віцебск" таксама на сваім полі быў мацнейшы за каманду Гомельскай вобласці - 5:0. У Магілёвы мясцовы "Днепр" ва ўпартай барацьбе перамог "Бабруйчанку" з мінімальнай перавагай у ліку - 2:1. Пераможны мяч Валянціна Ніжагародава забіла незадоўга да фінальнага свістка.
Становішча каманд: "Дынама-БДУФК" - 15 ачкоў (5 матчаў), "Мінск" - 15 (5), "Нёман" - 12 (5), "Днепр" - 9 (4), "Зорка-БДУ" - 9 (5), "Бабруйчанка" - 4 (5), "Віцебск" - 3 (5), Беларусь (U-19) - 1 (4), Гомельская вобласць - 0 (4), "Дынама" (Брэст) - 0 (4).
Матчы 6-га тура адбудуцца 29 красавіка, цэнтральным стане паядынак "Дынама-БДУФК" і "Мінска".-0-