ДЗЯРЖОРГАНЫДЗЯРЖОРГАНЫ
Флаг Пятніца, 2 снежня 2022
Мінск Суцэльная воблачнасць -8°C
Усе навіны
Усе навіны
Спорт
19 красавіка 2022, 14:29

Футбаліст Бачароў прызнаны лепшым іграком 4-га тура чэмпіянату Беларусі

Валерый Бачароў. Фота abff.by
Валерый Бачароў. Фота abff.by

19 красавіка, Мінск /Кар. БЕЛТА/. Паўабаронца барысаўскага БАТЭ Валерый Бачароў прызнаны лепшым іграком чацвёртага тура футбольнага чэмпіянату Беларусі, паведамляе карэспандэнт БЕЛТА.

У пераможным выязным паядынку з дзеючым чэмпіёнам краіны салігорскім "Шахцёрам" (1:0) 21-гадовы хаўбек барысаўчан забіў гол, які прынёс БАТЭ чацвёртую запар вікторыю ў цяперашнім першынстве краіны. Пасля чатырох тураў барысаўчане ўзначальваюць турнірную табліцу, набраўшы 12 балаў з 12 магчымых.

Аўтарам самага прыгожага гола стаў паўабаронца "Слуцка" Сяргей Глябко, які эфектным далёкім ударам трапіў у вароты "Мінска" ў дамашнім матчы. Праўда, яго каманда ўступіла мінчанам з лікам 2:4.

Становішча каманд пасля чатырох тураў: БАТЭ - 12 ачкоў, "Энергетык-БДУ" - 10, "Гомель" - 9, "Нёман", "Дынама" (Мінск) - па 8, "Мінск" - 7, "Славія" - 6, "Шахцёр", "Слуцк" - па 5, "Іслач", "Тарпеда-БелАЗ" - па 3, "Арсенал", "Віцебск", "Белшына", "Дынама" (Брэст) - па 2, "Днепр" - 1.

У наступным туры сустракаюцца:

21 красавіка

"Арсенал" - "Слуцк";

22 красавіка

"Белшына" - "Віцебск", "Нёман" - "Шахцёр", БАТЭ - "Гомель";

23 красавіка

"Энергетык-БДУ" - "Іслач", "Славія" - "Тарпеда-БелАЗ", "Мінск" - "Дынама" (Брэст), "Днепр" - "Дынама" (Мінск).-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі