24 чэрвеня, Мінск /Кар. БЕЛТА/. Цэнтравы баскетбольнага клуба "Цмокі-Мінск" Аляксандр Гаўрыловіч пакінуў беларускую сталіцу і мае намер правесці наступны сезон у складзе іншага клуба Адзінай Лігі ВТБ - расійскага "Ніжняга Ноўгарада", паведамляе карэспандэнт БЕЛТА.
Аляксандр Гаўрыловіч прыйшоў у "Цмокі" год таму. У мінулым сезоне ён правёў 15 матчаў у Адзінай Лізе ВТБ, набіраючы ў сярэднім па 12,2 ачка за гульню, у розыгрышы Кубка ФІБА-Еўропа згуляў у 13 паядынках пры сярэдняй рэзультатыўнасці 13,9 бала.
Раней склад "Цмокаў" пакінулі Бранка Міркавіч, які перайшоў у літоўскі "П'ена Жвайшждэс", а таксама Віталь Лютыч, які вырашыў прадоўжыць гульнявую кар'еру ў "Самары", якая выступае ў расійскай суперлізе.
Кантракты з "драконамі" прадоўжылі беларускія баскетбалісты Уладзімір Верамеенка, Аляксей Трасцянецкі, Яўген Белянкоў і Андрэй Стаброўскі. Навабранцамі беларускага клуба сталі амерыканец Крыстафер Клайберн і цэнтравой зборнай Латвіі Клаус Чаверс.-0-