ДЗЯРЖОРГАНЫДЗЯРЖОРГАНЫ
Аўторак, 28 студзеня 2020
Мінск Суцэльная воблачнасць 0°C
Усе навіны
Усе навіны
Спорт
10 мая 2019, 15:39

Французскі гандбаліст Вільям Акамбрэ падпісаў кантракт з БГК імя Мяшкова

Фота БГК імя Мяшкова
Фота БГК імя Мяшкова

10 мая, Брэст /Кар. БЕЛТА/. Брэсцкі гандбольны клуб імя Мяшкова падпісаў кантракт з вядомым французскім іграком Вільямам Акамбрэ, паведамляе БЕЛТА са спасылкай на афіцыйны сайт БГК.

Працоўнае пагадненне ўступіць у сілу ў ліпені. Кантракт з зорным іграком разлічаны на адзін сезон.

Вільям Акамбрэ нарадзіўся 8 красавіка 1988 года ў Канах (Францыя). Профільная пазіцыя - левы паўсярэдні. У вышэйшым французскім дывізіёне гандбаліст правёў 196 матчаў, закінуў 665 мячоў. З 2017 года ён гуляў у венгерскім "Веспрэме", у гэтым сезоне абараняе колеры славенскага "Цэле". У складзе нацыянальнай зборнай Францыі Акамбрэ выйграў Алімпійскія Гульні 2012 года, стаў трохразовым чэмпіёнам свету, перамагаў на чэмпіянаце Еўропы. Удастоены вышэйшай дзяржаўнай узнагароды Францыі - ордэна Ганаровага легіёна.

"Рады, што ўдалося дасягнуць пагаднення з Вільямам Акамбрэ. Несумненна, такі ігрок узмоцніць нашу каманду, разлічваем на яго вопыт пераможцы. Важна, што Акамбрэ ўніверсальны - добра гуляе як у абароне, так і ў нападзенні", - адзначыў спартыўны дырэктар БГК Павел Башкін.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі