ДЗЯРЖОРГАНЫДЗЯРЖОРГАНЫ
Субота, 4 ліпеня 2020
Мінск Малавоблачна +16°C
Усе навіны
Усе навіны
Спорт
03 чэрвеня 2020, 13:04

"Формула-1" стартуе ў пачатку ліпеня ў Аўстрыі

Фота газеты "Літоўскі кур'ер"
Фота газеты "Літоўскі кур'ер"

3 чэрвеня, Мінск /Кар. БЕЛТА/. Першы этап чэмпіянату свету па аўтагонках класа "Формула-1" 2020 года адбудзецца ў Аўстрыі 3-5 ліпеня. Аб гэтым паведамляе газета "Літоўскі кур'ер".

Сезон пачнецца двума этапамі на трасе ў аўстрыйскім Шпільбергу (3-5 ліпеня і 10-12 ліпеня), далей пройдуць этапы на аўтадромах у прыгарадзе венгерскага Будапешта (17-19 ліпеня), брытанскім Сільверстоўне (31 ліпеня - 2 жніўня і 7-9 жніўня), іспанскай Барселоне (14-16 жніўня), бельгійскім Спа (28-30 жніўня) і італьянскім горадзе Монца (4-6 верасня), паведамляе ТАСС. У рамках кожнага Гран-пры адбудуцца заезды гоначных серый "Формула-2" і "Формула-3".

Потым будзе распрацаваны каляндар астатніх этапаў чэмпіянату, у прыватнасці, запланавана гонка ў Сочы ў канцы верасня. Арганізатары маюць намер правесці 15-18 этапаў, хоць першапачаткова было запланавана 22.

Адзначаецца, што першыя заезды гонкі пройдуць без гледачоў. Члены каманд будуць лятаць на чартарных рэйсах, а пасля прыбыцця на месца гонак будуць ізаляваны ад мясцовага насельніцтва.

Выканаўчы дырэктар "Формулы-1" Чэйз Кэры падкрэсліў, што гонкі адбудуцца нават у тым выпадку, калі ў пілота будзе станоўчы рэзультат тэста на COVID-19, паведамляе Reuters. "Калі гоншчык будзе інфіцыраваным, у заездзе будзе ўдзельнічаць член каманды з рэзерву".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі