Сцяг Панядзелак, 26 лютага 2024
Усе навіны
Усе навіны
Спорт
15 сакавіка 2023, 09:21

Фінальныя спаборніцтвы на Кубак Беларускай федэрацыі біятлона стартуюць у Гарадку

15 сакавіка, Віцебск /Алеся Пушнякова - БЕЛТА/. З 15 па 18 сакавіка ў Гарадку пройдзе 5-ы этап спаборніцтваў Кубка Беларускай федэрацыі біятлона сярод юнакоў і дзяўчат. Аб гэтым карэспандэнту БЕЛТА паведамілі ў Віцебскім аблвыканкаме.

Сёння ў Гарадок з'едуцца сем каманд - прадстаўнікі ўсіх абласцей Беларусі і сталіцы. Паклоннікі аднаго з самых любімых у нашай краіне і відовішчных зімовых відаў спорту змогуць наведаць біятлонную трасу Віцебскага абласнога цэнтра алімпійскага рэзерву па зімовых відах спорту, дзе ўдзельнікі пакажуць максімум скорасці і меткасці.

"У фінале Кубка беларускай федэрацыі біятлона каля 150 юнакоў і дзяўчат пазмагаюцца за медалі ў чатырох узроставых катэгорыях. Самым малодшым спартсменам споўнілася 12 гадоў, а самым старэйшым - па 18 ужо. Акрамя беларускіх юных біятланістаў у спаборніцтвах прыме ўдзел зборная каманд Маскоўскай вобласці - 30 дзяцей прыедуць з Расіі, каб скласці сваім равеснікам з Беларусі дастойную канкурэнцыю. Барацьба чакаецца напружаная, таму ўдзельнікі фінальнага этапу будуць сканцэнтраваны толькі на трэніроўках і непасрэдна спаборніцтвах", - расказаў суддзя міжнароднай катэгорыі, майстар спорту міжнароднага класа Іван Песцераў.

У праграме фінальнага этапу прадугледжаны масавы старт у кожнай узроставай катэгорыі, які пройдзе 17 сакавіка, а 18 сакавіка аматары спорту змогуць пабалець за дзяцей у змешанай эстафеце і гонцы праследавання. Суддзі вызначаць пераможцаў у асабістым і групавым заліку ва ўсіх намінацыях. Таксама па выніках усіх дзён спаборніцтваў выберуць лепшую каманду.-0-

Падпісвайцеся на нас у
Twitter
Топ-навіны
Свежыя навіны Беларусі