ДЗЯРЖОРГАНЫДЗЯРЖОРГАНЫ
Флаг Субота, 8 мая 2021
Мінск Суцэльная воблачнасць +8°C
Усе навіны
Усе навіны
Спорт
16 сакавіка 2021, 12:58

Фінальны турнір "Скуранога мяча" прымае Футбольны манеж у Мінску

Фота з архіва
Фота з архіва

16 сакавіка, Мінск /Кар. БЕЛТА/. У Футбольным манежы ў Мінску сёння стартаваў фінальны этап рэспубліканскіх спаборніцтваў сярод дзяцей і падлеткаў "Скураны мяч" на прызы Прэзідэнцкага спартыўнага клуба, паведамляе карэспандэнт БЕЛТА.

У час цырымоніі адкрыцця старшыня асацыяцыі "Беларуская федэрацыя футбола" Уладзімір Базанаў павіншаваў юных футбалістаў з пачаткам вырашальнага этапу і пажадаў ім перамог і прыгожай гульні. Усе каманды - удзельніцы фіналу атрымалі ад АБФФ па 15 футбольных мячоў.

У турніры ў кожнай з трох узроставых груп - малодшай (ігракі 2010-2011 гадоў нараджэння), сярэдняй (2008-2009) і старшай (2006-2007) - выступаюць па восем дружын з Мінска і ўсіх абласцей, якія сталі пераможцамі рэгіянальных адборачных спаборніцтваў. Таксама лепшых вызначаць каманды дзяўчынак 2009-2011 гадоў нараджэння. Спачатку адбудуцца матчы групавога раўнда, а ў заключны дзень, 19 сакавіка, пройдуць стыкавыя паядынкі за падагульняючыя месцы. Прызёры спаборніцтваў стануць уладальнікамі медалёў і каштоўных падарункаў. Лепшыя ігракі ў сваіх гульнявых амплуа, а таксама лепшыя бамбардзіры стануць уладальнікамі фітнес-трэкераў ад Прэзідэнцкага спартыўнага клуба.

Гэты фінальны турнір павінен быў адбыцца ў верасні мінулага года, але ў сувязі з эпідэміялагічнай сітуацыяй быў перанесены на сакавік 2021 года. У спаборніцтвах прымаюць удзел толькі тыя, хто займаецца ў спецыялізаваных футбольных школах і акадэміях.

Адборачныя спаборніцтвы новага сезона "Скуранога мяча" ўжо стартавалі і павінны завяршыцца да мая. Для будучых футбольных зорак турнір з'яўляецца сапраўдным святам, бо акрамя прыгожай гульні і незабыўных уражанняў спартсмены атрымліваюць бясцэнны гульнявы вопыт.

Традыцыйна арганізатарамі спаборніцтваў выступаюць Прэзідэнцкі спартыўны клуб, Міністэрства спорту і турызму, Міністэрства адукацыі, асацыяцыя "Беларуская федэрацыя футбола" і БРСМ.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі