ДЗЯРЖОРГАНЫДЗЯРЖОРГАНЫ
Флаг Чацвер, 29 ліпеня 2021
Мінск Пераменная воблачнасць +26°C
Усе навіны
Усе навіны
Спорт
18 мая 2021, 09:43

Фінал гандбольнага турніру "Імклівы мяч" стартаваў у Мінску

Фота handball.by
Фота handball.by

18 мая, Мінск /Кар. БЕЛТА/. У Мінску 17 мая стартаваў фінальны этап спаборніцтваў юных гандбалістаў "Імклівы мяч - 2021", у якіх удзельнічаюць юнакі і дзяўчаты 2007-2008 гадоў нараджэння, паведамілі БЕЛТА ў прэс-службе Прэзідэнцкага спартыўнага клуба.

На папярэднім этапе каманды падзелены на групы:

юнакі:

А - "Мінск-1", Гомельская вобласць, Гродзенская вобласць, Мінская вобласць;

Б - "Мінск-2", Брэсцкая вобласць, Магілёўская вобласць, Віцебская вобласць;

дзяўчаты:

А: "Мінск-1", Гомельская вобласць, Брэсцкая вобласць, Віцебская вобласць;

Б: "Мінск-2", Магілёўская вобласць, Гродзенская вобласць, Мінская вобласць.

Пасля групавога этапу па дзве лепшыя каманды выйдуць у паўфіналы і прадоўжаць барацьбу за ўзнагароды. Вырашальныя паядынкі за прызавыя месцы адбудуцца 21 мая на пляцоўках Палаца спорту "Уручча" і Рэспубліканскага цэнтра алімпійскага рэзерву (вул.Філімонава, 55).

Спаборніцтвы будучых гандбольных зорак праводзяцца з 2007 года. У арганізацыйны камітэт увайшлі Прэзідэнцкі спартыўны клуб, Міністэрства спорту і турызму, Міністэрства адукацыі, Мінгарвыканкам, Беларуская федэрацыя гандбола і БРСМ. Па традыцыі спаборніцтвы праводзяцца ў тры этапы: спачатку праходзяць раённыя і гарадскія адборачныя турніры, пераможцы якіх атрымліваюць права згуляць у фінальным этапе, прычым кожны год ён праводзіцца ў розных рэгіёнах краіны для папулярызацыі гандбола.

Пераможцы і прызёры ўзнагароджваюцца спецыяльнымі прызамі Прэзідэнцкага спартыўнага клуба, кубкамі, медалямі і дыпломамі. У цырымоніі ўдзельнічаюць праслаўленыя беларускія зоркі гандбола, сярод якіх алімпійскія чэмпіёны Аляксандр Каршакевіч, Андрэй Барбашынскі, Канстанцін Шаравараў і іншыя вядомыя майстры.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі