26 ліпеня, Токіа /Кар. БЕЛТА/. Чарговы камплект узнагарод разыгралі ўдзельнікі алімпійскага турніру па цяжкай атлетыцы, перадае карэспандэнт БЕЛТА.
У спаборніцтвах жанчын у вагавой катэгорыі да 55 кг чэмпіёнскі тытул заваявала філіпінская спартсменка Хідылін Дыяс, якая набрала ў суме дваябор'я 224 кг (97 кг - рывок і 127 кг - штуршок). Сярэбраным прызёрам стала кітаянка Ляо Цуюнь - 223 кг (97 кг і 126 кг), бронза ў актыве прадстаўніцы Казахстана Зульфіі Чыншанло - 213 кг (90 кг і 123 кг).
Цяжкаатлеты разыгрываюць у Токіа 14 камплектаў алімпійскіх узнагарод - па 7 у мужчын і жанчын. Беларусь прадставяць Дар'я Навумава (76 кг) і Яўген Ціханцоў (96 кг).-0-