14 кастрычніка, Мінск /Кар. БЕЛТА/. Фігурысты з сямі краін прымуць удзел у міжнародным турніры Ice Star-2021, які стартуе сёння на лёдзе сталічнай "Чыжоўка-Арэны", паведамляе карэспандэнт БЕЛТА.
Спартсмены з Азербайджана, Босніі і Герцагавіны, Казахстана, Расіі, Украіны, Эстоніі і Беларусі паспрачаюцца за медалі ў чатырох відах праграмы. У ліку тых, хто выступіць у Мінску, будуць уладальнікі алімпійскіх ліцэнзій Канстанцін Мілюкоў і Вікторыя Сафонава.
Сёння саіскальнікі ўзнагарод турніру ў жаночым і мужчынскім адзіночным разрадзе, а таксама ў спаборніцтвах спартыўных пар прадэманструюць свае кароткія праграмы. Завершацца спаборніцтвы 17 кастрычніка. У гэты дзень стануць вядомы пераможцы ў танцах на лёдзе.-0-