8 лютага, Пекін /Кар. БЕЛТА/. На Алімпійскіх гульнях стартавалі спаборніцтвы мужчын па фігурным катанні, паведамляе карэспандэнт БЕЛТА.
Прадстаўнік Беларусі Канстанцін Мілюкоў упэўнена выканаў кароткую праграму і атрымаў 78,49 бала. Гэта яго лепшы асабісты рэзультат у сезоне. Па выніках выступленняў беларускі фігурыст заняў 11-е месца і кваліфікаваўся ў адвольную праграму, якая пройдзе 10 лютага.
Апошні раз у мужчынскім адзіночным катанні на Алімпіядзе Беларусь была прадстаўлена ў 2006 годзе ў Турыне. Тады Сяргей Давыдаў заняў 16-е месца.-0-