18 мая, Мінск /Кар. БЕЛТА/. Беларуская рэспубліканская федэрацыя фехтавання накіравала пісьмо прэзідэнту МАК Томасу Баху з патрабаваннем перагледзець рашэнне Міжнароднай федэрацыі фехтавання аб допуску спартсменаў з Беларусі да спаборніцтваў пад эгідай асацыяцыі, паведамілі БЕЛТА ў БРФФ.
"Ад імя Федэрацыі фехтавання Беларусі хочам заявіць аб непрымальных рашэннях Міжнароднай федэрацыі фехтавання. Камісія па вызначэнні нейтральных спартсменаў, якім дазволена ўдзельнічаць у спаборніцтвах FIE, адправіла канчатковыя спісы спартсменаў і трэнераў 16 мая. Са 103 чалавек у спісе, прадстаўленым федэрацыяй, былі адобраны толькі 48. Нават дзеці, якія нарадзіліся ў 2010 годзе і вучацца ў сярэдняй школе, былі выключаны са спіса", - гаворыцца ў пісьме.
Арганізацыя не згодна з рашэннем камісіі. "Такія рашэнні парушаюць сацыяльныя правы чалавека, паколькі дзеці з-за свайго ўзросту не могуць быць задзейнічаны ў ваенных арганізацыях або арганізацыях нацыянальнай бяспекі. Мы заяўляем, што камісія парушыла рэкамендацыі Міжнароднага алімпійскага камітэта. Федэрацыя фехтавання Беларусі патрабуе перагляду спіса дапушчаных спартсменаў", - адзначаецца ў пісьме.-0-
