15 красавіка, Мінск /Кар. БЕЛТА/. Кіраўнікі Беларускага цяжкаатлетычнага саюза (БЦС) і Федэрацыі цяжкай атлетыкі Расіі (ФЦАР) падпісалі пагадненне аб супрацоўніцтве, паведамляе БЕЛТА са спасылкай на прэс-службу ФЦАР.
Напярэдадні старшыня БЦС Павел Лабачоў сустрэўся ў Маскве з прэзідэнтам ФЦАР Максімам Агапітавым. У сустрэчы таксама прынялі ўдзел генеральны сакратар БЦС Сяргей Самусёў і выканаўчы сакратар беларускай федэрацыі Віталь Крэйдзіч.
Бакі абмеркавалі варыянты арганізацыі і правядзення сумесных спаборніцтваў і трэніровачных збораў, а таксама магчымасць удзелу беларускіх спартсменаў і прадстаўнікоў судзейскага корпуса ў расійскіх турнірах. Вынікам сустрэчы кіраўнікоў федэрацый стала падпісанне пагаднення аб супрацоўніцтве.-0-