Фота з архіва
7 чэрвеня, Мінск /Кар. БЕЛТА/. Афіцыйная дэлегацыя з Кітая перад адкрыццём Нацыянальнага футбольнага стадыёна пабывала на базе асацыяцыі "Беларуская федэрацыя футбола" ў Мінску. Аб гэтым паведамілі БЕЛТА ў прэс-службе АБФФ.
Прадстаўнікі Галоўнага дзяржаўнага ўпраўлення па фізічнай культуры і спорце КНР і Кітайскай футбольнай асацыяцыі пабывалі на трэніроўцы нацыянальнай зборнай Беларусі. Яны таксама азнаёміліся з інфраструктурай тэхнічнага цэнтра АБФФ і ўмовамі для навучэнцаў Акадэміі футбола і зборных каманд Беларусі. У час сустрэчы з кіраўніцтвам АБФФ кітайскім гасцям расказалі аб развіцці дзіцяча-юнацкага футбола і трэнерскай адукацыі ў Беларусі. Па выніках прыёму былі дасягнуты папярэднія дамоўленасці аб далейшым развіцці супрацоўніцтва АБФФ з Кітайскай футбольнай асацыяцыяй.
Сёння на новым Нацыянальным футбольным стадыёне, пабудаваным у Мінску пры непасрэднай падтрымцы кітайскага боку, адбудзецца таварыскі матч маладзёжных зборных Беларусі і Кітая.-0-
Падпісвайцеся на нас у
