ДЗЯРЖОРГАНЫДЗЯРЖОРГАНЫ
Флаг Панядзелак, 27 чэрвеня 2022
Мінск Ясна +20°C
Усе навіны
Усе навіны
Спорт
18 мая 2022, 14:22

Федэрацыі біятлона Беларусі і Расіі падпісалі пагадненне аб супрацоўніцтве

Фота з архіва
Фота з архіва

18 мая, Мінск /Кар. БЕЛТА/. Беларуская федэрацыя біятлона (БФБ) і Саюз біятланістаў Расіі (СБР) падпісалі пагадненне аб супрацоўніцтве, паведамляе БЕЛТА са спасылкай на прэс-службу СБР.

Пагадненне на сімвалічнай цырымоніі ў Маскве падпісалі кіраўнік СБР Віктар Майгураў і старшыня БФБ Андрыян Цыбульскі. Узаемадзеянне федэрацый прадугледжвае фарміраванне сумесных каляндарных планаў спаборніцтваў і іншых мерапрыемстваў на тэрыторыі абедзвюх краін, распрацоўку праграм падрыхтоўкі і ўдзелу зборных у сумесных турнірах, падрыхтоўку новых фарматаў і дысцыплін для рэгіянальных і міжнародных спаборніцтваў, а таксама іншыя формы супрацоўніцтва.

"Гэта знамянальная падзея, хоць у нас з беларусамі было заўсёды цеснае супрацоўніцтва. Узаемадзеянне ўключае абмен вопытам паміж нашымі федэрацыямі. Мы будзем спаборнічаць як мінімум адзін з адным. Будзем рады, калі і іншыя краіны зацікавяцца і далучацца да нас, - сказаў Віктар Майгураў. - Мэта супрацоўніцтва - падтрыманне ўзроўню спартсменаў. Упэўнены, што сітуацыя хутка стабілізуецца і нашы каманды вернуцца ў сусветны біятлон".

У рамках пагаднення будуць праведзены спаборніцтвы з удзелам біятланістаў Беларусі і Расіі - Кубак Садружнасці. У турніры запланавана шэсць этапаў: па адным у жніўні і верасні, а таксама чатыры зімой. Другі, чацвёрты і пяты этапы Кубка Садружнасці пройдуць у Раўбічах.

Дзеянне пагаднення разлічана на чатыры гады, пасля чаго яно будзе аўтаматычна прадоўжана на новы алімпійскі цыкл пры узаемнай згодзе БФБ і СБР.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі