Мабільная версія
II Еўрапейскія гульні
ДЗЯРЖОРГАНЫ

Апошнія навіны
Усе навіны

Факел эстафеты "Полымя міру" пранеслі па вуліцах Браціславы і Брно

Спорт 11.05.2019 | 09:32
Фота дырэкцыі II Еўрапейскіх гульняў
Фота дырэкцыі II Еўрапейскіх гульняў

11 мая, Мінск /Кар. БЕЛТА/. Факел эстафеты "Полымя міру" пранеслі сёння па вуліцах славацкай сталіцы Браціславы і чэшскага горада Брно, паведамілі БЕЛТА ў прэс-службе дырэкцыі II Еўрапейскіх гульняў.

Гэту частку эстафеты ў Славакіі і Чэхіі можна назваць маладзёжнай.

У ліку факеланосцаў была выкладчыца беларускай мовы кафедры русістыкі філалагічнага факультэта Універсітэта імя Канстанціна Філосафа ў Нітры Ганна Шваба. "Такія мерапрыемствы - гэта выдатная магчымасць расказаць еўрапейцам пра Беларусь, не толькі ў спорце, але і азнаёміць з нашай гісторыяй, культурай і традыцыямі. Для мяне прапанова стаць факеланосцам была прыемнай нечаканасцю. На сваім этапе эстафеты адчувала радасць і адказнасць, але гэта абсалютна станоўчы груз адказнасці", - адзначыла яна.

Пасля цырымоніі ў Браціславе каманда "Полымя міру" адправілася ў Брно, дзе Алімпійскі камітэт Чэхіі арганізаваў дзіцячае спартыўнае свята. У цэнтры ўвагі былі два віды спорту - дзюдо і стральба з лука. У мерапрыемстве прыняў удзел Надзвычайны і Паўнамоцны Пасол Беларусі ў Чэхіі Валерый Курдзюкоў. "Спорт - асобны від дыпламатыі, які трэба развіваць. З самага пачатку, калі ініцыятыва была падтрымана Алімпійскім камітэтам Чэхіі, пастараліся выбраць не зусім стандартны варыянт правядзення цырымоніі і спыніліся на гэтай спартыўнай школе", - адзначыў ён.

Замежны этап эстафеты агню II Еўрапейскіх гульняў падыходзіць да завяршэння. Сёння вечарам рабочую групу чакае пераезд, а ўжо заўтра адбудзецца ўрачыстая цырымонія сустрэчы "Полымя міру" ў Польшчы.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Акцыя "Увага - дзеці!" Напярэдадні летніх канікулаў у Беларусі праходзіць акцыя "Увага - дзеці!". Тэрміны акцыі: 25 мая - 5 чэрвеня. Мэта - пазбегнуць траўматызму дзяцей на дарогах.