2 кастрычніка, Магілёў /Кар. БЕЛТА/. У спартыўным комплексе "Алімпіец" праходзяць І і ІІ этапы рэспубліканскіх спаборніцтваў сярод дзяцей і падлеткаў па дысцыплінах сучаснага пяцібор'я "Дай пяць!", перадае карэспандэнт БЕЛТА.
У спаборніцтвах прымаюць удзел каля 250 дзяцей з розных куткоў Магілёўскай вобласці. Галоўная мэта спаборніцтваў - адабраць лепшых юных спартсменаў з розных школ рэгіёна для ўдзелу ў рэспубліканскім фінале.
Як адзначыў дырэктар Магілёўскага абласнога навучальна-метадычнага цэнтра фізічнага выхавання насельніцтва Віталь Поклад, мерапрыемства праводзіцца пад эгідай рэспубліканскага прэзідэнцкага клуба "Дай пяць" і накіравана на папулярызацыю гэтага віду спорту. "Сучаснае пяцібор'е - індывідуальны від спорту з характарам, які патрабуе поўнай аддачы і прафесійнай падрыхтоўкі. Ён дае вялікія рэзультаты. Мы праводзім гэтыя спаборніцтвы масава для навучэнцаў звычайных школ, якія не з'яўляюцца выхаванцамі ўстаноў спартыўнай падрыхтоўкі. Дзеці прыязджаюць, спрабуюць свае сілы, знаёмяцца з дысцыплінай. Думаю, большая частка вызначыцца і, магчыма, выбера гэты напрамак прыярытэтным", - сказаў Віталь Поклад.
Ён дадаў, што рэзультаты этапу стануць падставай для фарміравання каманды Магілёўскай вобласці на трэці, заключны этап рэспубліканскіх спаборніцтваў, якія пройдуць з 10 па 12 лістапада ў Мінску на базе Рэспубліканскага цэнтра алімпійскай падрыхтоўкі па лёгкай атлетыцы. Там пераможцы абласных этапаў вызначаць мацнейшых у краіне.
Сярод удзельнікаў - Маргарыта Грыгар'ян і яе аднакласніца Аліса Істоміна з Касцюковіч. Маргарыта захапляецца танцамі, дзюдо і футболам, а на спаборніцтвы па пяцібор'і прыехала ўпершыню. "Крыху хвалююча, раптам недзе спатыкнешся, таму страх прысутнічае. Тут мне падабаецца ўсё. Сёння хачу пабіць свой рэкорд і трапіць у тройку лідараў", - падзялілася чаканнямі школьніца. Яе сяброўка Аліса таксама дэбютуе на такіх стартах. Дзяўчына займаецца спортам, таму ставіцца да рэзультатаў спакойна. "Галоўнае не перамога, галоўнае - удзел. Тут можна пазнаёміцца з новымі ўдзельнікамі і проста добра правесці час. Упэўнена, што ўсё пройдзе добра", - сказала Аліса.
Дзеці з сярэдняй школы №21 Магілёва Максім Іваноў і Мікіта Аланцьеў таксама настроены пазітыўна. Максім упэўнены ў сваіх сілах. "Настроены толькі на перамогу. Думаю, што дастойна прайду ўсе этапы, і наша школа зойме прызавое месца", - заявіў спартсмен. Для Мікіты ж галоўным адкрыццём стала стральба. "Першы раз буду страляць і правяраць сябе на меткасць. Крыху хвалююча, але цікава", - адзначыў ён.-0-
У спаборніцтвах прымаюць удзел каля 250 дзяцей з розных куткоў Магілёўскай вобласці. Галоўная мэта спаборніцтваў - адабраць лепшых юных спартсменаў з розных школ рэгіёна для ўдзелу ў рэспубліканскім фінале.
Як адзначыў дырэктар Магілёўскага абласнога навучальна-метадычнага цэнтра фізічнага выхавання насельніцтва Віталь Поклад, мерапрыемства праводзіцца пад эгідай рэспубліканскага прэзідэнцкага клуба "Дай пяць" і накіравана на папулярызацыю гэтага віду спорту. "Сучаснае пяцібор'е - індывідуальны від спорту з характарам, які патрабуе поўнай аддачы і прафесійнай падрыхтоўкі. Ён дае вялікія рэзультаты. Мы праводзім гэтыя спаборніцтвы масава для навучэнцаў звычайных школ, якія не з'яўляюцца выхаванцамі ўстаноў спартыўнай падрыхтоўкі. Дзеці прыязджаюць, спрабуюць свае сілы, знаёмяцца з дысцыплінай. Думаю, большая частка вызначыцца і, магчыма, выбера гэты напрамак прыярытэтным", - сказаў Віталь Поклад.
Ён дадаў, што рэзультаты этапу стануць падставай для фарміравання каманды Магілёўскай вобласці на трэці, заключны этап рэспубліканскіх спаборніцтваў, якія пройдуць з 10 па 12 лістапада ў Мінску на базе Рэспубліканскага цэнтра алімпійскай падрыхтоўкі па лёгкай атлетыцы. Там пераможцы абласных этапаў вызначаць мацнейшых у краіне.
Сярод удзельнікаў - Маргарыта Грыгар'ян і яе аднакласніца Аліса Істоміна з Касцюковіч. Маргарыта захапляецца танцамі, дзюдо і футболам, а на спаборніцтвы па пяцібор'і прыехала ўпершыню. "Крыху хвалююча, раптам недзе спатыкнешся, таму страх прысутнічае. Тут мне падабаецца ўсё. Сёння хачу пабіць свой рэкорд і трапіць у тройку лідараў", - падзялілася чаканнямі школьніца. Яе сяброўка Аліса таксама дэбютуе на такіх стартах. Дзяўчына займаецца спортам, таму ставіцца да рэзультатаў спакойна. "Галоўнае не перамога, галоўнае - удзел. Тут можна пазнаёміцца з новымі ўдзельнікамі і проста добра правесці час. Упэўнена, што ўсё пройдзе добра", - сказала Аліса.
Дзеці з сярэдняй школы №21 Магілёва Максім Іваноў і Мікіта Аланцьеў таксама настроены пазітыўна. Максім упэўнены ў сваіх сілах. "Настроены толькі на перамогу. Думаю, што дастойна прайду ўсе этапы, і наша школа зойме прызавое месца", - заявіў спартсмен. Для Мікіты ж галоўным адкрыццём стала стральба. "Першы раз буду страляць і правяраць сябе на меткасць. Крыху хвалююча, але цікава", - адзначыў ён.-0-
Фота Алега Файніцкага
