15 лютага, Мінск /Кар. БЕЛТА/. Этап Кубка свету па спартыўнай гімнастыцы на асобных снарадах, які павінен быў адбыцца ў сакавіку ў горадзе Доха, адкладзены. Такая інфармацыя размешчана на афіцыйным сайце Міжнароднай федэрацыі гімнастыкі (FIG), паведамляе БЕЛТА.
Прычына - сітуацыя ў галіне аховы здароўя. Пакуль пытанне аб новым месцы правядзення турніру не ставіцца. Паведамляецца, што новыя тэрміны этапу Кубка свету ў сталіцы Катара будуць аб'яўлены пазней.
Спаборніцтвы першапачаткова былі намечаны на 10-13 сакавіка 2021 года. Яны планаваліся як кваліфікацыйныя да летніх Алімпійскіх гульняў у Токіа.
Алімпіяда ў сталіцы Японіі павінна была адбыцца летам 2020 года, але была перанесена з-за каранавіруса. У гэты момант устаноўлены новыя даты - з 23 ліпеня па 8 жніўня 2021 года.-0-
