24 студзеня, Мінск /Кар. БЕЛТА/. Дацкая тэнісістка Каралін Вазняцкі завяршыла сваю спартыўную кар'еру, паведамляе Reuters.
Такое рашэнне тэнісісткі не стала нечаканасцю. Аб тым, што яна збіраецца завяршыць выступленні пасля Адкрытага чэмпіянату Аўстраліі, датчанка аб'явіла на сваёй старонцы ў Instagram у снежні 2019 года. Сёння Каралін Вазняцкі ўступіла ў трэцім крузе турніру Вялікага шлема прадстаўніцы Туніса Унс Джабір з лікам 5:7, 6:3, 5:7.
Сваю кар'еру Каралін Вазняцкі пачала ў 2005 годзе. За кар'еру датчанка выйграла 30 турніраў у адзіночным разрадзе, у тым ліку Адкрыты чэмпіянат Аўстраліі - 2018 і падагульняючы турнір Жаночай тэніснай асацыяцыі (WTA) у 2017 годзе. Тэнісістка зарабіла больш за $35 млн прызавых.-0-
