Фота МАЗа
8 ліпеня, Мінск /Кар. БЕЛТА/. На тэрыторыі Рэспублікі Алтай завяршыўся чацвёрты этап 14-га міжнароднага ралі-марафону "Шаўковы шлях", паведамляе карэспандэнт БЕЛТА.
Напярэдадні на трэцім этапе флагманскі грузавік "МАЗ-СПОРТаўта" пад кіраўніцтвам Сяргея Вязовіча першапачаткова паказаў толькі 8-ы вынік з 10-хвілінным адставаннем ад пераможцы. Аднак пасля заканчэння гонкі высветлілася, што экіпаж страціў час з-за памылкі арганізатараў, якія перакрылі правільны маршрут. З-за блытаніны на трасе Вязовіч ледзь не сутыкнуўся з машынай Эдуарда Нікалаева з "КАМАЗ-майстра", але ў апошні момант грузавікі размінуліся. Пасля фінішу Вязовічу быў кампенсаваны страчаны час, дзякуючы чаму беларус захаваў лідарства ў агульным заліку пасля трох этапаў.
"На фінішным бездарожжы быў сыход направа, і там нейкім чынам апынуўся перакрытым стужкай правільны ўваход у лес. У выніку мы заехалі ў лес на наступным павароце, праехалі метраў пяцьсот, а кантрольны пункт застаўся ззаду. Пасля вяртання ледзь удалося размінуцца з Нікалаевым, хоць я ўжо чакаў лабавога ўдару. Далей мы вярнуліся да першага павароту, сарвалі стужку і паехалі правільна. Пасля такіх прыгод мы вельмі рады, што засталіся цэлымі", - сказаў Вязовіч.
Сёння на чацвёртым этапе ўдзельнікі ралі-марафону прадоўжылі рух па тэрыторыі Рэспублікі Алтай, даўжыня спецучастка па шляху з Горна-Алтайска ў сяло Кош-Агач склала 165 км. Тры першыя месцы занялі прадстаўнікі каманды "КАМАЗ-майстар", лепшым з якіх быў Дзмітрый Сотнікаў. Вязовіч прыбыў на фініш пятым, уступіўшы пераможцу 3 хвіліны 14 секунд. Шостым і сёмым сталі яшчэ два экіпажы "МАЗ-СПОРТаўта" пад кіраўніцтвам Аляксея Вішнеўскага і Віталя Мурылёва.
Дзякуючы гэтаму поспеху Сотнікаў узначаліў генеральную класіфікацыю ралі-марафону, Вязовіч ідзе другім з адставаннем менш за тры хвіліны. Заўтра на пятым этапе ўдзельнікі перасякуць граніцу Расіі і Манголіі, маршрут пракладзены з алтайскага сяла Кош-Агач у горад Хоўд Заходняй Манголіі. Працягласць спецучастка складзе 297 км. Усяго ў гэтым годзе "Шаўковы шлях" складаецца з 11 этапаў, пераможцы ралі вызначацца 15 ліпеня ва Улан-Батары.-0-
Напярэдадні на трэцім этапе флагманскі грузавік "МАЗ-СПОРТаўта" пад кіраўніцтвам Сяргея Вязовіча першапачаткова паказаў толькі 8-ы вынік з 10-хвілінным адставаннем ад пераможцы. Аднак пасля заканчэння гонкі высветлілася, што экіпаж страціў час з-за памылкі арганізатараў, якія перакрылі правільны маршрут. З-за блытаніны на трасе Вязовіч ледзь не сутыкнуўся з машынай Эдуарда Нікалаева з "КАМАЗ-майстра", але ў апошні момант грузавікі размінуліся. Пасля фінішу Вязовічу быў кампенсаваны страчаны час, дзякуючы чаму беларус захаваў лідарства ў агульным заліку пасля трох этапаў.
"На фінішным бездарожжы быў сыход направа, і там нейкім чынам апынуўся перакрытым стужкай правільны ўваход у лес. У выніку мы заехалі ў лес на наступным павароце, праехалі метраў пяцьсот, а кантрольны пункт застаўся ззаду. Пасля вяртання ледзь удалося размінуцца з Нікалаевым, хоць я ўжо чакаў лабавога ўдару. Далей мы вярнуліся да першага павароту, сарвалі стужку і паехалі правільна. Пасля такіх прыгод мы вельмі рады, што засталіся цэлымі", - сказаў Вязовіч.
Сёння на чацвёртым этапе ўдзельнікі ралі-марафону прадоўжылі рух па тэрыторыі Рэспублікі Алтай, даўжыня спецучастка па шляху з Горна-Алтайска ў сяло Кош-Агач склала 165 км. Тры першыя месцы занялі прадстаўнікі каманды "КАМАЗ-майстар", лепшым з якіх быў Дзмітрый Сотнікаў. Вязовіч прыбыў на фініш пятым, уступіўшы пераможцу 3 хвіліны 14 секунд. Шостым і сёмым сталі яшчэ два экіпажы "МАЗ-СПОРТаўта" пад кіраўніцтвам Аляксея Вішнеўскага і Віталя Мурылёва.
Дзякуючы гэтаму поспеху Сотнікаў узначаліў генеральную класіфікацыю ралі-марафону, Вязовіч ідзе другім з адставаннем менш за тры хвіліны. Заўтра на пятым этапе ўдзельнікі перасякуць граніцу Расіі і Манголіі, маршрут пракладзены з алтайскага сяла Кош-Агач у горад Хоўд Заходняй Манголіі. Працягласць спецучастка складзе 297 км. Усяго ў гэтым годзе "Шаўковы шлях" складаецца з 11 этапаў, пераможцы ралі вызначацца 15 ліпеня ва Улан-Батары.-0-
Падпісвайцеся на нас у
