Сцяг Аўторак, 19 сакавіка 2024
Усе навіны
Усе навіны
Спорт
17 студзеня 2020, 16:56

Экіпаж "МАЗ-СПОРТаўта" Сяргея Вязовіча заняў трэцяе месца на "Дакары-2020"

17 студзеня, Мінск /Кар. БЕЛТА/. Экіпаж "МАЗ-СПОРТаўта" пад кіраўніцтвам Сяргея Вязовіча заняў трэцяе месца ў генеральнай класіфікацыі грузавікоў на ралі "Дакар-2020", якое завяршылася сёння, паведамляе карэспандэнт БЕЛТА.

Беларускі "МАЗ" уступіў лідару гонкі 2 гадзіны 4 мін. 42 сек. Пераможцам стаў грузавік расійскага "КАМАЗ-майстра" пад кіраўніцтвам Андрэя Каргінава, які пераадолеў 12 этапаў ралі-рэйду за 46 гадзін 33 мін. 36 сек. Другое месца заняў экіпаж яго таварыша па камандзе Антона Шыбалава (адставанне 42 мін. 26 сек.).

Беларускі экіпаж Аляксея Вішнеўскага ў агульным заліку заняў восьмую пазіцыю. Грузавік яго таварыша па камандзе Аляксандра Васілеўскага фінішаваў 12-м.

Агульная працягласць заключнага, 12-га спецучастка, склала 167 км. Аўтамабіль, якім кіраваў расіянін Андрэй Каргінаў на гэтым этапе стаў першым, пераадолеўшы дыстанцыю за 1 гадзіну 28 мін. 41 сек. Другім фінішаваў экіпаж Аляксея Вішнеўскага на МАЗе (адставанне 2 мін. 1 сек.). Трэцюю пазіцыю заняў экіпаж "КАМАЗ-майстра" пад кіраўніцтвам Эдуарда Нікалаева (адставанне 2 мін. 7 сек.).

"Дакар" упершыню прайшоў на Блізкім Усходзе, куды старты перабраліся пасля 11 гадоў у Паўднёвай Амерыцы. З 2020 года як мінімум пяць гадоў запар ралі-марафон будзе прымаць Саудаўская Аравія. На старт выйшаў 351 экіпаж (134 пазадарожнікі і UTV, 170 матацыклаў і квадрацыклаў, 47 грузавікоў).-0-

Падпісвайцеся на нас у
Twitter
Топ-навіны
Свежыя навіны Беларусі