Фота ХК "Дынама-Мінск"
11 кастрычніка, Мінск /Кар. БЕЛТА/. Хакеісты мінскага "Дынама" ўдачна завяршылі выязную серыю ў рэгулярным чэмпіянаце Кантынентальнай хакейнай лігі сезона-2024/25, паведамляе карэспандэнт БЕЛТА.
Трэці і заключны паядынак гасцявога турнэ падапечныя Дзмітрыя Квартальнава праводзілі ў Санкт-Пецярбургу супраць СКА. Стартавы перыяд завяршыўся з мінімальнай перавагай "Дынама", лік у матчы адкрыў абаронца Нікалас Мелош. У сярэдзіне наступнай трэці Ілья Усаў скарыстаўся памылкай галкіпера гаспадароў і падвоіў перавагу, а незадоўга да заканчэння адрэзка большасць рэалізаваў Вадзім Шыпачоў. Гэта шайба стала для вопытнага расіяніна першай у форме "зуброў".
На заключны перапынак каманды пайшлі пры ліку 3:0 на карысць гасцей. Усяго ў другім перыядзе дынамаўцы нанеслі па чужых варотах 20 кідкоў, узамен атрымаўшы толькі адзін. У трэцяй дваццацімінутцы хакеісты з Санкт-Пецярбурга наблізіліся да мінчан, але Усаў аформіў дубль і разбурыў надзеі "армейцаў" на выратаванне. Рэзультат сустрэчы - 4:2, "Дынама" мацнейшае.
Такім чынам, мінчане перапынілі чараду паражэнняў, якая налічвала тры матчы. Набраўшы на выездзе тры ачкі з шасці магчымых, сталічны клуб захаваў сёмае месца ў табліцы Заходняй канферэнцыі КХЛ - у актыве "Дынама" 15 ачкоў. Далей наша каманда вернецца на "Мінск-Арэну" для самай працяглай дамашняй серыі сезона: у перыяд з 15 па 25 кастрычніка "зубры" правядуць пяць гульняў на родным лёдзе.-0-
Трэці і заключны паядынак гасцявога турнэ падапечныя Дзмітрыя Квартальнава праводзілі ў Санкт-Пецярбургу супраць СКА. Стартавы перыяд завяршыўся з мінімальнай перавагай "Дынама", лік у матчы адкрыў абаронца Нікалас Мелош. У сярэдзіне наступнай трэці Ілья Усаў скарыстаўся памылкай галкіпера гаспадароў і падвоіў перавагу, а незадоўга да заканчэння адрэзка большасць рэалізаваў Вадзім Шыпачоў. Гэта шайба стала для вопытнага расіяніна першай у форме "зуброў".
На заключны перапынак каманды пайшлі пры ліку 3:0 на карысць гасцей. Усяго ў другім перыядзе дынамаўцы нанеслі па чужых варотах 20 кідкоў, узамен атрымаўшы толькі адзін. У трэцяй дваццацімінутцы хакеісты з Санкт-Пецярбурга наблізіліся да мінчан, але Усаў аформіў дубль і разбурыў надзеі "армейцаў" на выратаванне. Рэзультат сустрэчы - 4:2, "Дынама" мацнейшае.
Такім чынам, мінчане перапынілі чараду паражэнняў, якая налічвала тры матчы. Набраўшы на выездзе тры ачкі з шасці магчымых, сталічны клуб захаваў сёмае месца ў табліцы Заходняй канферэнцыі КХЛ - у актыве "Дынама" 15 ачкоў. Далей наша каманда вернецца на "Мінск-Арэну" для самай працяглай дамашняй серыі сезона: у перыяд з 15 па 25 кастрычніка "зубры" правядуць пяць гульняў на родным лёдзе.-0-
Падпісвайцеся на нас у
