Сцяг Аўторак, 18 чэрвеня 2024
Усе навіны
Усе навіны
Спорт
20 мая 2024, 11:33

Дзве беларускі выступяць у кваліфікацыі адкрытага чэмпіянату Францыі па тэнісе

Фота Pixabay
Фота Pixabay
20 мая, Мінск /Кар. БЕЛТА/. На парыжскіх кортах "Ралан Гарос" сёння стартуе кваліфікацыйны этап другога ў сезоне турніру серыі "Вялікага шлема" - адкрытага чэмпіянату Францыі, паведамляе карэспандэнт БЕЛТА.

Першай з беларускіх тэнісістак барацьбу за выхад у асноўную сетку пачне Аляксандра Сасновіч, якая ў першым крузе кваліфікацыі сустрэнецца з прадстаўніцай Францыі Джэні Лім. Таксама сёння Ірына Шымановіч будзе сапернічаць з чэшкай Ліндай Фрухвіртавай. Для выхаду ў галоўны турнір тэнісісткам трэба пераадолець тры кваліфікацыйныя бар'еры. Без удзелу ў кваліфікацыі на "Ралан Гарос" згуляюць дзве прадстаўніцы Беларусі - Арына Сабаленка і Вікторыя Азаранка.

Паядынкі асноўнага этапу пачнуцца 26 мая, а завершыцца турнір у Парыжы 9 чэрвеня. У гэтым годзе агульны прызавы фонд French Open складзе 53,5 млн еўра, што з'яўляецца рэкордам за ўсю гісторыю. Пераможцы ў мужчынскім і жаночым адзіночным разрадзе атрымаюць па 2,4 млн еўра.-0-
Падпісвайцеся на нас у
Twitter
Топ-навіны
Свежыя навіны Беларусі